Украинскиот претседател Володимир Зеленски изјави дека рускиот претседател Владимир Путин веќе ја започнал Третата светска војна.
Во разговор за Би-Би-Си, Зеленски рече дека „Кремљ сака да наметне поинаков начин на живот на светот и да го промени животот што луѓето го избрале за себе“.
Тој повтори дека предавањето територии на Русија би ја ослабнало позицијата на Украина и би го „задоволило“ Путин само за кратко време.
„Според мене, тој би можел да се опорави за не повеќе од неколку години“, рече Зеленски. Според него, Путин би сакал да ја продолжи војната.
Зеленски призна дека Украина во моментов нема сила да ги врати своите територии, но ќе продолжи да се бори за „правда“ и враќање на границите од 1991 година.
На прашањето дали може да му верува на американскиот претседател Доналд Трамп, тој инсистираше дека Украина треба да одржува добри односи со САД, без оглед на владејачката администрација.
„На пример, сакаме гаранции за 30 години. Политичките елити ќе се менуваат, лидерите ќе се менуваат“, објасни Зеленски.