Тема: локални избори

Мицкоски: Ние не навредуваме, тие споделуваат гадости од „перјаницата“ дека ќе ме спакувале во куфер

Тие ја почнаа кампањата со црна кампања, со напади и ниски страсти како ќе ме спакувале распарчен во куфер и тоа би било штос во оваа кампања, така порача еден од нивните гуруа

Ахмети: Албанците повеќе не трпат понижувања, сите да гласаат за НАИ, оти има голема национална мисија, интеграција на „РСМ“ во ЕУ!

Али Ахмети сега го „збогатува“ политичкиот речник: за себе и за своите сопартијци вели дека се не само „мисионери“, туку веќе и „визионери“, кои, ете, се „веќе оспособени“ да гледаат „далеку во европската иднина“…

Партиите дебатираат како за парламентарни избори: за албанскиот јазик и национални прашања, наместо за локална власт и проблеми на граѓаните

„Политичките партии треба во предизборната кампања да се насочат на конкретните комунални проблеми и потреби на граѓаните, како што се водоснабдување, канализација, паркинзи, плоштади, тротоари и друго, ова се локални, а не парламентарни избори!“ – критикуваа политичките аналитичари во емисијата „Дебата“ на ТВ Шења.

Незири: Измама е ако наместо за комунални проблеми на граѓаните се зборува на локалните избори за употреба на албанскиот јазик и други национални прашања!

„На парламентарни избори се зборува и се решава за национални прашања, а на локални избори се зборува и се решава за локални, комунални потреби на граѓаните.“ – укажува политичкиот аналитичар Џелал Незири.

Мицкоски: Нашата борба не е само за избори, туку и за душата на Македонија, за држава, што ќе нè спои, а не да нè дели

„Моментот, што го чекале генерации, е пред нас, време е за ресет на системот, време е да ги скршиме веригите на неправдата и да изградиме држава на правда, слобода и грижа за секого. Оваа наша борба не е само за избори – ова е борба за душата на Македонија. За држава што ќе нè спои, а не ќе нè дели. За иднина, во која никој нема да биде поважен од другиот и во која секој ќе има еднаква можност да успее.“ – порача од синоќешниот митинг во Тетово претседателот на Владата на Република Македонија и лидер на ВМРО ДПМНЕ Христијан Мицкоски.

Ибрахими од Вреди ја предизвика ДУИ: Ќе се повлечеме од изборите, ако покажете која година од вашето владеење е поуспешна од оваа година и пол, откако сме ние на власт!

Останува да се види сега: дали и како Али Ахмети и неговите сопартијци ќе одговорат на овој предизвик, што им се упатува од редовите на коалицијата Вреди?

Најнови вести

To top