Тема: Зоран Заев

Пренџов: Заев и Филипче ѝ дадоа на Бугарија што бараше 150 години, но Бугарите во Уставот ќе влезат кога и Македонија и Македонците во ЕУ!

„Тоа што го бара Бугарија не е ново, тоа Бугарија го бара 150 години и ниеден претходно не го направил тоа, што што го направија Заев и Филипче. Предупредувавме дека ќе завршиме во ќорсокак, дека на Македонецот му е доста од понижување. Предупредувавме дека покрај сменето име, презиме, банкноти, 20 пати Устав сменето, знаме сменето, не сакаме повеќе да бидеме луѓе, кои ќе ја наведнуваме главата, научени да губиме, а ништо да не добиваме. Ние сме нова политичка номенклатура, но ги држиме македонската традиција и македонскиот идентитет по секоја цена! Кога се работи за Македонија, за нашите предци и за нашите поколенија, мора многу сериозно, многу стратегиски и многу мудро да се размислува. Не велиме дека никогаш нема да има Бугари во Уставот, но велиме дека велиме кога Македонците ќе влезат во ЕУ тогаш и Бугарите ќе влезат во нашиот Устав!“ – изјави пратеникот од ВМРО ДПМНЕ Љупчо Пренџов во гостувањето во ТВ Канал 5.

Темата мигранти е измислена од СДС за дневна политика, затоа и побегнаа од Собрание кога требаше да се дискутира за Резолуцијата

Оваа резолуција го покажа вистинското и лицемерно лице на СДС и трајно ќе ја затвори, од нив измислената тема за наводни мигранти во Македонија, велат од ВМРО-ДПМНЕ.

Венко потврди: Екипата од јахтата на Заев ќе биде дел од новото раководство на СДСМ

Новото раководство треба да биде потврдено на денешната седница на Централниот одбор. Во синоќешното интервју за „360 степени“ на МРТ, Филипче рече дека веќе е готов списокот со лицата кои ќе бидат дел од новото раководство и оти тоа наводно ќе биде комбинација од искусни и млади луѓе.

Резолуцијата на Филипче се уште не доставена во Собрание: Стојановски најавува кривична одговорност за лажни вести и манипулации

Опозициската СДСМ со денови јавно ја повикува владејачката ВМРО-ДПМНЕ да ја прифати нивната резолуција, која, според власта, би отворила врата за примање мигранти во Македонија. Меѓутоа, од Собранието потврдуваат дека резолуцијата на СДСМ сè уште не е доставена.

„Лидерот“ Филипче е само маша, со која се штити криминалот на Заеви – никој во СДСМ не сака да му биде во тимот

„Филипче е воодушевен од неговиот ментор Зоран Заев и не пропушта можност тоа јавно да го истакне. Филипче е само продолжена маша на Заев во обид да го заштити криминалот на кланот Заеви. Тоа членовите на партијата го знаат и токму затоа Филипче има тешкотии да креира тим. Никој не сака да биде дел од високите органи на СДСМ под раководство на Филипче. Во СДСМ постои криза поради недоверба во лидерството на Филипче“, нагласува ВМРО ДПМНЕ во своето соопштение.

Филипче глуми патриот против мигранти, а во владата на Заев туркал мигрантски камп во Бардовци

Венко Филипче денес глуми загрижен патриот, додека во владата со Заев ги распродаваа националните интереси и активно работеа за носење мигранти во Македонија, се вели во партиското соопштение на владејачката ВМРО-ДПМНЕ.

ВМРО ДПМНЕ: Филипче е единствениот, кој сакал да донесе мигранти и како министер на Заев работел да се отвори мигрантски камп во Бардовци! (Видео)

„Единствениот актуелен политичар, кој работел на населување мигранти во Македонија е Венко Филипче. Активно како министер во Владата на Заев во 2018 година Филипче учествувал во донесувањето План за проект за изградба на прифатен центар за мигранти во Бардовци. Во ‘Службен весник на Република Македонија’ на 26.01.2018 година, број 16, страна 189, точка 1.6, пишува: ‘Изработка на државно урбанистичко-планска документација за прифатен центар на странци за потребите на Секторот за гранични работи и миграции при Министерството за внатрешни работи на катастарска парцела бр. 35, запишана во имотен лист бр. 2140 за Катастарска општина Бардовци.’. Ова било поминато на Влада и за тоа Венко Филипче гласал со две раце. Овие мигранти, кои тогаш Филипче сакал да ги прими, се истите тие мигранти, кои сега прават проблеми во Европа. Да не беше притисокот од ВМРО-ДПМНЕ тогаш, денес ќе имаше мигранти во Македонија. Венко Филипче и СДС имале партиска и државна политика за населување мигранти. И овој покажан документ е доказ за тоа. Сè додека Филипче е во опозиција, во Македонија мигранти нема да има. Ваквото манипулаторство значи дека крадецот вели ‘Држете го крадецот!’. Така е кога човек со сомнителен морал се прикажува како праведник, а бесчесник-криминалец се претставува како чесен адвокат на правдата.“ – изјави Миле Леков, пратеник во Собранието на Република Македонија и член на Извршниот комитет на ВМРО ДПМНЕ.

Најнови вести

To top