Македонија

Ислам Абази ја предаде функцијата на Искра Хаџи Василева

Таа е вториот раководител на ОЈО ГОКК кој е избран на непосредни избори, со тајно гласање на сите јавни обвинители во државата

Фото „Слободен печат“
Фото „Слободен печат“

Со букет цвеќе во рацете, досегашниот шеф на ОЈО ГОКК, Ислам Абази, ја пречека својата наследничка Искра Хаџи Василева, која денеска и официјално ја презеде раководната функција во Обвинителството за гонење организиран криминал и корупција.

Примопредавањето на должноста се одржа во просториите на Обвинителството, по што е најавена средба на новата раководителка со државниот јавен обвинител, Ненад Савески.

Хаџи Василева беше избрана на непосредните избори одржани на 28 октомври, кога освои 64 гласа од вкупно 171 важечко гласачко ливче.

Искра Хаџи Василева: Приоритет е борбата против корупцијата и организираниот криминал

По изборот, таа најави дека меѓу главните приоритети во нејзиниот мандат ќе бидат ефикасниот кривичен прогон, подобрата организација на работата на Обвинителството и поефикасната борба против организираниот криминал и корупцијата.

Таа е вториот раководител на ОЈО ГОКК кој е избран на непосредни избори, со тајно гласање на сите јавни обвинители во државата.

Најнови вести од: Македонија

Почина професор д-р Никола Петров, творецот на „Росица“, „Другарче“ и „Наш свет“

Тој се смета за основоположник на македонската предучилишна педагогија, а генерации ученици во Македонија израснаа со списанијата за деца што ги покрена професорот и поранешен декан на Педагошкиот факултет

Сашко Кедев влезе во Гинис како најстариот алпинист во светот кој ги искачил сите 14 врвови над 8.000 метри

Кедев, на доделувањето на наградата, порача дека освојувањето на 14-те највисоки врвови во светот го смета за национален успех којшто го посвети на сите Македонци

Запалени повеќе контејнери во Ново Лисиче – градоначалникот Ѓорѓиевски бара итна истрага

Скопје нема да биде заложник на вандали, барам итна реакција од МВР. Во услови кога набавивме 3.300 нови контејнери и го решивме проблемот со сметот, очигледно дека на некој не му одговара чисто Скопје и развојот на градот

Манасиевски: Филипче и СДС да кажат дали Мацура бил криминалец со сомнителен капитал кога со ДУИ овозможиле влез на Алта банка во Македонија

Портпаролот на ВМРО ДПМНЕ Валентин Манасиевски истакнува: Фирмата на сватот на Ахмети, според јавно достапни информации, поседувала акции во Стопанска банка АД Битола, кои потоа ги продаваат на Давор Мацура и Алта банка. Филипче и СДС молчат за ова и не коментираат од страв кон ДУИ.

„Скопје.1.мк“: Над 12 тони производи од Македонија запрени на косовската граница, поради „ешерихија коли“ во претходни пратки

„Косовските власти вратиле две пратки млечни производи од Македонија, со вкупна тежина од 12.268 килограми, поради претходно утврдени неправилности поврзани со безбедноста на храната и хигиената во производството. Станувало збор за прехранбени кремови со растителни масти и производи од сирење, произведени од АД ‘Млекара Тетово’,пренесува ‘Радио Ким’. Пратките биле наменети за компанијата ‘VIZIONI M.Z.I.I’ од Преоце, во близина на Грачаница, но биле запрени на граничниот премин Генерал Јанковиќ.“ – објави информативниот портал „Скопје 1.мк“.

To top