Македонија

Од пад од 5% до раст од 5,2% – СДСМ да ги погледне статистичките податоци за платите, велат од ВМРО-ДПМНЕ

ВМРО-ДПМНЕ се повика на податоците на ДЗС според кои просечната нето-плата во септември изнесувала 49.141 денар, со номинален годишен раст од 8,1 отсто и реален раст од 5,2 отсто. Во септември 2022 година реалната нето-плата бележела пад од пет проценти.

ВМРО-ДПМНЕ реагира на критиките на СДСМ за платите, повикувајќи се на најновите податоци на Државниот завод за статистика. Од партијата велат дека реалната нето-плата во септември 2026 година забележала раст од 5,2 отсто, додека во истиот месец во 2022 година, кога на власт беше СДСМ, била забележана реална стапка на намалување од пет проценти.

Според податоците на ДЗС, просечната исплатена нето-плата во септември годинава изнесувала 49.141 денар. Тоа е номинално зголемување од 8,1 отсто во споредба со истиот месец лани, додека реалниот раст, кој го зема предвид движењето на цените, изнесувал 5,2 отсто.

Од ВМРО-ДПМНЕ посочуваат дека во септември 2022 година реалната нето-плата била намалена за пет проценти во однос на истиот месец претходната година. Овој податок е потврден и во тогашното соопштение на ДЗС, во кое реалниот индекс на нето-платата изнесувал 95,0.

Од партијата прават споредба меѓу двата периода и оценуваат дека актуелната Влада успева да го зголеми реалниот доход на вработените и покрај, како што велат, историската енергетска криза, додека во 2022 година, за време на владата предводена од СДСМ, реалната плата се намалувала.

Во реакцијата, ВМРО-ДПМНЕ наведува дека не интервенира со законски измени за минималната плата, туку растот го препушта на пазарот на трудот и на постојниот Закон за минимална плата.

  • „Бројките се немилосрдни и понекогаш статистиката повеќе зборува отколку сè друго“, наведуваат од партијата.

Од ВМРО-ДПМНЕ додаваат дека и во наредниот период ќе продолжат да креираат политики и да преземаат мерки за економска стабилност, раст, подобра бизнис-клима, отворање нови работни места и повисоки плати.

Најнови вести од: Македонија

Охриѓани со порака: Насилството не е проблем на една личност, тоа е заеднички проблем

Љупчo Ѓорѓиески, таткото на 26-годишна Сара Ѓорѓиеска која нејзиното момче Кристијан Корабоски на 15 ноември ја претепа до бесознание и ја остави на улица во Охрид, денеска со нејзина фотографија на која ѝ се гледаат модрици по лицето се приклучи на охридскиот протест против насилството врз жените и фемицид.

(Видео): Избрана трасата за експресниот пат Кочани-Виница-Делчево, камен-темелникот в година, рече премиерот

По јавната расправа е избрана една од двете разгледани варијанти и дека апликацијата за проектот е веќе поднесена пред меѓународните финансиски институции.

Micro RGB: пристигна супер-автомобилот помеѓу телевизорите

Секоја индустрија има свој врв. Автомобилската индустрија ги има супер – спортските автомобили, а светот на телевизорите сега го има Micro RGB. Најновата водечка технологија на “Samsung“ ја носи најчистата боја што компанијата досега ја прикажала, со посебен фокус на удобноста при гледањето.

To top