Македонија

Заврши одморот на пратениците

Од утре пратениците официјално се враќаат на работа по годишниот одмор.

1 минута за читање

Од утре пратениците официјално се враќаат на работа по годишниот одмор. Претседателот на Собранието, Африм Гаши, за утре закажа неформална средба со собраниските известувачи, на која ќе ги запознае со тековните активности во законодавниот дом, по редовната координација со координаторите на пратеничките групи. Според информациите на собраниската веб-страница, до петокот освен брифингот со новинарите, не беа закажани други активности за наредната недела.

Одморот на пратениците беше прекинат на 16 август поради итна седница за Предлог-законот за изменување и дополнување на Изборниот законик, по скратена постапка, кој не беше усвоен поради недостиг на Бадентерово мнозинство. Претходно, на 13 август, седница одржа и Комисијата за прашања на изборите и именувањата, која формира Комисија за селекција на кандидатите за претседател на Државната комисија за спречување на корупцијата. Традиционално, одморот на пратениците почнува по Националниот празник Илинден.

На 9 август, претседателот Гаши ги распиша локалните избори за 19 октомври. Се очекува Собранието да продолжи со одржување на пленарни седници и седници на комисиите до почетокот на кампањата за локалните избори на 29 септември.

На последниот брифинг со новинарите, Гаши истакна дека законодавниот дом е во постојано заседание и дека пратениците ќе бидат повикани на седници доколку е потребно.

Поврзани теми:

Собрание|Африм Гаши|претседател на Собрание|пратеници

Повеќе на оваа тема:

Најнови вести од: Македонија

Утринава на Попова Шапка најстудено, минус 8 степени, но и најмногу снег, 31 сантиметар

Времето денеска ќе биде променливо облачно и студено, претпладне со повремени локални врнежи од снег, попладне врнежите ќе престанат. Ќе дува умерен, а долж Повардарието засилен ветер од северен правец. Максималната температура ќе биде во интервал од -1 до 5 степени. Во Скопје, променливо облачно и студено. Претпладне со повремен слаб снег. Ќе дува умерен, во делови од котлината повремено засилен ветер од северен правец. Максималната температура ќе достигне до 3 степени.

Нобеловиот институт ja отфрли замислата на Мачадо да му ја „отстапи“ на Трамп наградата за мир

Нобеловиот институт објави во саботата дека Нобеловата награда за мир не може да се пренесе на друга личност, да се подели или да се одземе, откако лидерката на венецуелската опозиција Марија Корина Мачадо, изјави дека може да му ја отстапи наградата за 2025 година на американскиот претседател Доналд Трамп.

За Беџети, „кандидат за нобеловец за економија“, „легитимно е РСМ да се федерализира, а да се смени антиалбанскиот устав“!

„Барањето за федерализација на Македонија е легитимно, но тоа беше поништено уште во 2001 година. Албанската политика сега нема моќ ниту да го отстрани терминот ‘20 проценти’ во антиалбанскиот устав.“ – наведува д-р Неџат Беџети, професор по економија во државниот Универзитет во Тетово, кој инаку беше предложен од група од негови колеги-економисти во декември 2023 година како „кандидат за добивање Нобелова награда за економија“, со образложение дека „развил ‘Теорија на економскиот развој заснована врз демографското концентрирање“. Кандидатурата на Беџети била пријавена во Комитетот за Нобеловата награда, но друг ја имаше добиено.

Денес повторни избори за градоначалник во четири општини

Во општините Гостивар, Маврово – Ростуше, Врапчиште и Центар Жупа денеска се одржуваат повторени избори за градоначалник, откако на првиот круг на локалните избори на 19 октомври минатата година не беше постигната законската излезност од најмалку една третина (33,33 проценти) од запишаните гласачи, што е услов изборите да се сметаат за успешни.

Македонија воведува најстроги забрани против пушење, казни за граѓаните и до 300 евра

Државата подготвува целосно нов и значително построг Закон за заштита од пушење, со кој драстично се заоструваат правилата за употреба, продажба, рекламирање и промоција на тутунските и никотинските производи.
Сите вести од Македонија

Најнови вести

To top