Македонија

ВМРО-ДПМНЕ: Целосно нов здравствен дом,фудбалски стадион и основно училиште во Илинден

Изминатите четири години, како и во сите општини предводени од ВМРО-ДПМНЕ, така и во Илинден се работеше посветено на реализација на проекти, за општината да стане подобро место за живеење, се вели во партиското соопштение на владејачката ВМРО-ДПМНЕ.

2 минути за читање

Изминатите четири години, како и во сите општини предводени од ВМРО-ДПМНЕ, така и во Илинден се работеше посветено на реализација на проекти, за општината да стане подобро место за живеење, се вели во партиското соопштение на владејачката ВМРО-ДПМНЕ.

Илинден е една од ретките општини која што може да се пофали со изградба на капитален здравствен проект. И покрај тоа што изградбата на здравствени објекти не е директна надлежност на локалната власт, препознавајќи ја потребата на жителите, во Илинден се изгради здравствен дом на површина од 600м2 на 2 нивоа, кој нуди примарна и специјалистичка здравствена заштита. Изградениот целосно нов здравствен дом, веќе е предаден на Министерството за здравство. Во областа на образованието и детската заштита во изминатите четири години во Илинден се инвестираше во изградба, доградба, реконструкција и опремување на сите училишни и предшколски објекти. Едни од позначајните се изградбата на нова зграда на основното училиште „Гоце Делчев“ на површина од 2400м2, со капацитет за 450 ученици каде за првпат во општината е воведена целодневна и едносменска настава. Со цел проширување на капацитети за згрижување на децата се направи доградба на централниот објект на детската градинка „Гоце Делчев“, за згрижување на уште 60-тина дечиња. Градинката ќе добие и целосно нова кујна која е во фаза на градба. Континуирано се вложуваше и во спортската инфраструктура, така што се изградија и реконструираа 15 спортски објекти и терени, меѓу кои стадионот во Илинден, а во постапка е изградбата на централна трибина со над 1000 седишта и под трибински простор кој ќе содржи соблекувални и помошни простории. Се изгради спортскиот комплекс „Драго Маневски“ кој вклучува комплетно изграден и осветлен терен на специјална подлога за повеќе спортови, атлетска патека во должина од 200 метри и трибина со капацитет од 175 седишта. Континуирано се вложуваше и во патната инфраструктура, така што за четири години се изградија и реконструираа околу 230 улици и патишта, со вкупна должина од над 45.000 метри во сите населени места. Фокусирано се работеше на изградба и подобрување на канализационата мрежа, при што се поставија канализациски систем во должина од преку 23.000 метри и се отворија 2 нови пречистителни станици во Илинден и Кадино, истакнуваат од владејачката партија.

И водоводниот систем се модернизираше и прошируваше, каде што се изградија 8.000 метри нова водоводна мрежа низ целата општина, а Илинден доби нова и современа лабораторија за контрола на квалитетот на водата за пиење, дополнуваат од ВМРО-ДПМНЕ.

Поврзани теми:

соопштение|Илинден|Општина Илинден|ВМРО-ДПМНЕ

Повеќе на оваа тема:

Најнови вести од: Македонија

Неуспешните обиди на Бугарите да ги спречат Кажимјеж Фелешко и други полски македонисти во меѓународната афирмација на самобитноста на македонскиот јазик

Денес, на 3 јули 2026 година се навршуваат 25 години од смртта на истакнатиот полски славист и македонист Кажимјеж Фелешко, еден од големата низа полски македонисти, кој има дадено драгоцен придонес кон меѓународните студии на македонскиот јазик, третиран како засебен јазик во семејството на јужнословенските јазици. Оваа годишнина е повод за осврнувањето на научното творештво негово, но и на цела една голема низа други исто така истакнати полски македонисти, кои повеќе децении во континуитет се вклучени во студиите за македонскиот јазик, во македонистиката во Полска, а со тоа и во широката меѓународна афирмација за македонскиот јазик. Во овој контекст е посебно за истакнување и една од најголемите полски македонистки и членка на Македонската академија на науки и уметности Зузана Тополинска, која во 2020 година ќе изнесе шокантно сведоштво во интервју за „360 степени“ дека Бугарите ѝ нуделе дури и пари да се откаже од македонистиката и македонскиот јазик. „Бугарите се циркус, поради својата несигурност во врска со поради македонскиот јазик!“ – ќе каже академик Тополинска во тоа свое интервју. Во 2005 година професорката Лилјана Минова – Ѓуркова ќе изнесе уште еден вџашувачки момент: при доделувањето на почесниот докторат на науки на Станислав Гајда, полски филолог и македонист, од страна на Универзитетот УКИМ, Бугарите им упатувале и ултиматуми не само на група македонски македонисти, туку и на самиот Гајда, „да се откажат од Македонците и македонските дијалекти во Бугарија“! Ова Ѓуркова го напишала во соодветно полско списание во статија посветена на доделувањето на почесниот докторат на науки на Гајда, инаку полски филолог-македонист, како и член на Полската академија на науки.    

Ошлис: Македонецот Наум Охридски е само европски просветител, но и дипломат, а Европа ако ја изгуби Македонија, набргу ќе се изгуби и саматата себеси! (3)

Големиот германски македонист проф.д-р Волф Ошлис силно ја застапува македонската историска перспектива и нагласува дека дејноста и традицијата на Свети Наум Охридски е дел од македонското јазично-културно и просветителско наследство. Во своите истапувања на Меѓународниот семинар за македонски јазик и култура во Охрид во изминатите години Ошлис ја ја аргументирал повеќе пати својата констатација дека Наум е еден од основноположниците на македонската култура, јазик, религија и наука, без никаква врска со други народи во Балканот. Во својот научен труд со наслов „Македонецот Наум Охридски и Германецот Регино фон Прим како европски дипломати“ Ошлис, дури, го означува македонскиот просветител и како еден од првите и тоа врвни европски дипломати, поради развиените контакти, што ги имал со тогашните владетели и видните личности од нивните царски дворови, во рамки на своето учество во тогашната Моравска мисија на македонските и сесловенски просветители Кирил и Методиј, започната во 863 година меѓу народите во Средна Европа.

„СДК“: На „Маркова нога“ ќе се обнови спомен-плочата за седумте младинци од Лерин, ѕверски убиени на 17.1.1944 од бугарскиот фашистички окупатор

„На седумте младинци борци од Лерин, ѕверски убиени на 17 јануари 1944 година од бугарскиот фашистички окупатор“, пишува на спомен-плочата на граничниот премин Маркова Нога. Повторното отворање на граничниот премин Маркова Нога во Преспа ќе нема само политичко, и економско начење. Преминот ќе биде и место за историско сеќавање бидејќи непосредно до него, на македонската страна, се наоѓа спомен-плочата за седумте младинци од Лерин кои беа измачувани и убиени од фашистичките сили за време на Втората светска војна, објави информативниот портал „СДК“.

Монах Амвросиј: Свети Наум ја градеше душата на древниот македонски народ, кој стои со својот идентитет во темелите на европската цивилизација! (2)

„Во тишината на бреговите на Охридското Езеро манастирот ‘Свети Наум’ со векови ја чува духовната светлина на македонскиот народ.  За да ја разбереме духовната мисија на манастирот ‘Свети Наум’ денес мораме да погледнеме во длабочината на нашиот историски и духовен континуитет. Кога Свети Наум го основал овој манастир во 905 година на брегот на Охридското Езеро, тој не градел само ѕидови, туку ја градел душата на еден народ. Ова свето место не е само нем споменик од минатото, туку жива лулка, во која пулсираат македонскиот идентитет и нашата национална меморија. Манастирот ‘Свети Наум’ е жива историска енциклопедија, во која е впишан целиот македонски национален и духовен код. Овде не се вкрстувале само патиштата на обичните луѓе, туку овде се кршеле копјата на најголемите империи, а манастирот секогаш останувал исправен како светилник на нашата самобитност. Затоа, манастирот ‘Свети Наум’ не е само историја. Тој е жив доказ дека еден народ, што го изградил својот идентитет врз писменост, вера и манастирска непокорност, никогаш не може да биде избришан од мапата на светот!“ – нагласува во интервју за „Нова Македонија“ монахот Амвросиј, жител на ова свето место и моментно студент на Московската духовна академија.

Мицкоски: Очекувам во јунскиот извештај на ЕУ да бидеме најдобри исто како во декемврискиот, има уште време за разговори со опозицијата за изборниот закон

Премиерот Христијан Мицкоски денеска повтори дека очекува во јунскиот извештај на ЕУ да бидеме најдобри исто како и во декемврискиот. Тој уште еднаш повика на разговори со опозицијата за Изборниот законик, за што кажа дека се уште има шанса да биде донесен и да биде исполнет и десетиот чекор од зададениот грејс период.
Сите вести од Македонија

Најнови вести

To top