Македонија

ФФМ со рекордна донација на опрема за фудбалери од младински екипи

Спортска опрема за деца

2 минути за читање

Фудбалската федерација на Македонија (ФФМ) денес реализира рекордна донација на спортска опрема за екипите од младинските категории. Вкупно 42 екипи кои настапуваат во Супер младинската лига, Втората и Третата младинска лига добија по 44 комплети опрема (тренерки, маици и шорцеви за тренинг, ранци), како и по 30 фудбалски топки.

Претседателот на ФФМ, Масар Омерагиќ заедно со Горан Пандев, Агим Ибраими и Ѓорги Христов ги поздравија присутните претставници на клубовите во „Куќа на фудбалот“ и упатија порака за континуирана поддршка и соработка.

-Со особена гордост ја предаваме спортската опрема за младинските категории на 42 екипи, односно опрема за 1848 деца од младинските клубови. Ова е прв пат ФФМ да реализира донација од ваков обем за младинските категории, што уште еднаш ја потврдува нашата определба кон иднината. Нашата цел е јасна, младите фудбалери да имаат најдобри можни услови за развој, а клубовите да бидат ослободени од дополнителни трошоци. Сакам да потенцирам дека оваа опрема е наменета исклучиво за децата и клубовите немаат право да им ја наплаќаат на родителите. ФФМ ќе продолжи да прави сè што е потребно за да им помогне на оние кои вложуваат во младинскиот фудбал, затоа што иднината на нашата игра е токму во овие деца, изјави Омерагиќ.

Вкупно 1.848 деца се опфатени со оваа донација, чија вредност изнесува околу 150.000 евра, обезбедени целосно од средствата на ФФМ.  (МИА)

Поврзани теми:

фудбал|ФФМ|спорт|донација

Повеќе на оваа тема:

Најнови вести од: Македонија

Скопје чисто се смета за еден од најевтините европски градови – како е оценета макдонската метропола?!

Скопје, енергичниот главен град на Македонија, нуди достапно европско бегство со неверојатни пејзажи, богата историја и уникатни културни искуства. Од убавината на Кањонот Матка до шармот на неговата Стара чаршија, тој е совршена дестинација за патници кои бараат вредност и автентичност.

Османи: Не се повлеков, туку се прекалибрирав! – Загубата е лекција за нова амбиција!

Бујар Османи, кој е по професија хирург во Клиниката за дигестивна хирургија на Клиничкиот центар во Скопје, и натаму е потпретседател на ДУИ. Останува да се види каква своја „нова амбиција“ најавува, за какво „приспособување“ говори, кон што и кон кого можеби, зашто терминот „рекалибрирање“, кој го користи во објавата, има токму такво приближно значење. Политичкиот аналитичар од Македонија Амир Шабани напиша во колумна на 26 октомври дека „Али Ахмети го жртвуваше свесно Бујар Османи, кандидирајќи го воопшто не со цел ‘да станел нов градоначалник на Чаир’“, туку „за да го исфрли од трката за нов лидер на ДУИ, која е веќе започната, зад сцената“! Во наредните денови треба да се искристализира и како ќе се постави Бујар Османи кон раздвижувањата во ДУИ, настанати по дебаклот на локалните избори, кон барањата за понесување одговорност и за оставки, а пред се Али Ахмети да се повлече во „политичка пензија“ како „највиновен за поразот“.

(Видео): Македонија на дното по стандардот на живеење, инфлацијата достигна 4,5%, обвини СДСМ

Цените продолжуваат неконтролирано да растат. За 2,8% се зголемени цените на мало во октомври годинава, споредено со истиот месец лани. Најголем раст има кај прехранбените производи – храната поскапе за 6,7%, овошјето и зеленчукот за 4,3%, велат од опозициската партија.

Учебниците се решен проблем, в година нема да „прогледуваме низ прсти“, вели министерката за образование

Министерката за образование и наука, Весна Јаневска, денеска упати порака до директорите на училиштата во врска со недостигот на учебници, нагласувајќи дека тие се должни да ги почитуваат законите и навреме да ги нарачаат потребните материјали. Таа порача дека проблемот со учебниците е системски решен, а одговорноста за недоволен број лежи исклучиво во директорите на училиштата.

Казнети еден куп фирми кои намерно не го чистеле ѓубрето – никој нема да се толерира

Акцијата за чистење на Скопје започна неколку часа откако Ѓорѓиевски ја презеде градоначалничката функција од неговата претходничка Данела Арсовска, и се очекува да заврши на 11. ноември ноќта.
Сите вести од Македонија

Најнови вести

To top