Македонскиот атлетичар Дарио Ивановски го заврши Светското првенство во атлетика во Токио.
На маратонската трка, Ивановски покажа истрајност, дисциплина и национален дух. Во конкуренција од 88 маратонци, Ивановски се пласираше на 58-то место, со време од 2 часа 26 минути и 31 секунда.
Трката беше исклучително тешка, со високи температури и интензивно темпо, што го потврдува и фактот дека 22 натпреварувачи не успеаја да ја завршат. Но Дарио, со цврста волја и спортска зрелост, го издржа предизвикот и стигна до целта.
Потсетување Македонија на Мундијалот во Токио имаше само двајца свои претставници.
Покрај Дарио, вчера свој настап имаше и Адријана Поп Арсова Рашиќ која маратон го заврши на 63 место.