Македонија

Митева: СДС и Филипче со патолошки пристап и без аргументи создаваат магла и лажни скандали околу наводна хаотична, или недоволна реакција

Остра реакција на Марија Митева, портпаролката на Владата на Република Македонија, во врска со тврдењата на СДСМ и неговиот лидер Филипче околу случувањата со пожарот во Трубарево.

„СДС и Филипче со патолошки пристап во политиката и без аргументи создаваат магла и лажни скандали.“ – реагираше Марија Митева, портпаролката на Владата на Република Македонија, преку својот профил на фејсбук во врска со тврдењата на СДСМ и неговиот лидер Филипче околу случувањата со пожарот во Трубарево.

Портпаролката Митева истакнува преку општествената мрежа: Гледам денес Филипче решил да ме споменува и да прави бркотница во јавноста околу постапувањето и комуникацијата на Владата. Но, токму тоа покажува колку опозицијата е беспомошна. Ова се класични обиди да се поткопа институционалната доверба. Тоа е болен пристап во политиката: кога нема аргументи, тогаш се создава магла околу фактите. Евакуацијата е постапка, што се спроведува според строго утврдени стандарди. Граѓаните беа навреме известени, беа подготвени капацитети за згрижување и секој имаше право и можност самостојно да одлучи дали ќе ја искористи таа можност. Ова е основниот принцип на демократско и одговорно владеење. Затоа е апсурдно да се престава во јавноста за наводна хаотична, или недоволна реакција. Тоа е свесно ширење паника.

Ако зборуваме за одговорност, уште поголем апсурд е фактот дека денес зборува за морал и бара оставки токму Филипче, кој остана запаметен по најтешките скандали во здравствениот систем со провизиите за вакцини, трагичниот случај со модуларната болница, до низа нерасчистени одговорности. Тоа е навреда за колективното паметење на граѓаните. Апсолутно е невидено лицемерието на партијата, која повеќе од седум години имаше целосна контрола врз секторот за животна средина, денес да поставува прашања за депониите и дали лиценците се исправни, а истата лиценца, за која зборуваат, е издадена во 2021 година. Со кого мислат дека разговараат? Народот не е ниту наивен, ниту заборавен. Одговорот е јасен: немаат суштинска критика, туку се обидуваат преку лаги да го релативизираат сопственото наследство на негрижа и злоупотреби.

Како опозиција се обидуваат да одржат политичка важност само преку создавање лажни скандали и бркотница. Но, тоа е политички концепт без визија, без аргументи и без перспектива. Ваквиот пристап е деструктивен и опасен, затоа што не им наштетува на институциите, туку директно на граѓаните. Се обидуваат со дневнополитички инсинуации да го потценат разумот. Затоа, ваквите изјави никогаш нема да имаат политичка тежина. – порачува преку фејсбук Марија Митева, портпаролката на Владата на Република Македонија, реагирајќи остро во врска со тврдењата на СДСМ и неговиот лидер Филипче околу случувањата со пожарот во Трубарево.

Најнови вести од: Македонија

Мицкоски во Берлин на собир на ,,Коалицијата на волните”

Премиерот Христијан Мицкоски, заедно со министерот за надворешни работи и надворешна трговија Тимчо Муцунски, денеска во Берлин учествуваше на состанокот на Коалицијата на волните посветен на актуелната состојба во Украина и напорите за постигнување мир

АмЧам: Реформите, иновациите и меѓународните стандарди предуслов за подобра здравствена заштита

Американската стопанска комора во Македонија е акредитиран член на Стопанската комора на Соединетите Американски Држави и на мрежата на Американски стопански комори во Европа, организација која претставува 49 Американски стопански комори од 47 земји во Европа и Евроазија.

Велјановски до опозицијата: Не може да се заборави како ја пљачкавте државата

На денешната собраниска седница на Комисијата за финансирање и буџет каде се дискутираше Предлог-Буџетот за 2027 година, пратеникот од ВМРО-ДПМНЕ, Александар Велјановски, кажа дека и покрај долговите наследени од претходната влада, предводена од СДС, кои се тежок товар за државата, оваа Влада предводена од ВМРО-ДПМНЕ ќе продолжи со силни инвестиции, со работа на фискална консолидација, но и со зајакнување на здравствената и социјалната заштита на граѓаните.

Ристески: Клучен приоритет на Владата е да ги задржи младите во Македонија

Законот за сезонски работници што е во сила од 1 јануари 2026 година, сѐ уште не ги дава очекуваните резултати, но ова не е закон направен за една година. Затоа организираме информативни средби и настани со помош на медиумите, стопанските комори, работодавачите и синдикатите – за да ги анимираме луѓето дека пензионери, студенти, оние кои сакаат дополнително да работат и сите категории невработени лица можат да го искористат, без притоа да го изгубат стекнатиот статус, да имаат комплетно пензиско и здравствено осигурување, фер ангажман, платен работен час колку што се ангажирани дополнително и со тоа да остварат дополнителни приходи – рече денеска заменик-министерот за економија и труд, Марјан Ристески.

Општина Охрид ги засилува активностите за затворање на депонијата „Буково“ и воспоставување нов систем за комуналниот отпад

Завршена е постапката за избор на проектант за изработка на техничката документација за затворање на нестандардната депонија „Буково“, а во тек се и активностите за изградба на претоварна станица кај Мауцкер и собирен центар во Охрид. Претоварните станици и Регионалниот центар за управување со отпад во Новаци се очекува да бидат функционални во 2030 година. Ова беше истакнато на денешната средба во Општина Охрид, посветена на новиот Регионален план за управување со отпад и воспоставувањето интегриран систем за Југозападниот и Пелагонискиот плански регион.

Зафировски за признанието на Михаилова за ДАНС: Ова е бугарска пародија, во која самата се излаја за поврзаноста со тајните служби

Срамота и давање автогол, бугарска пародија во која Ива Михаилова самата недоветно се излаја за улогата на тајните служби и бугарската ДАНС во целиот нејзин „случај“, посочи безбедносниот аналитичар Воислав Зафировски во „За македонските работи“ со Љупчо Цветановски. Недораснато дете кое избрза и искрено си кажа се што треба и не треба, класичен автогол во полза на Македонија за случај кој беше поддржан и од највисоките бугарски функционери.

Најнови вести

To top