Македонија

Хорор во семеен дом во Центар: Син ја давел сопствената мајка и агресивно кршел саксии

Скандалозниот настан се случил во дворот на семејниот дом на улицата Славејко Арсов, кога осомничениот најпрво на висок тон барал пари од неговите мајка и татко. Таткото вознемирен веднаш го напуштил дворот, а пријавениот продолжил да ѝ се обраќа на својата мајка со груби и навредливи зборови, соопшти Основното јавно обвинителство.

1 минута за читање

Хорор во главниот град. На подрачјето на Центар, полициски службеници од СВР Скопје го лишија од слобода И.С.(41) од Скопје, по претходна пријава дека на 21.09.2025 околу 23:00 часот во двор од семејна куќа физички ја нападнал неговата 68-годишна мајка и оштетил и разни предмети во дворот. По целосно документирање на случајот ќе следува соодветен поднесок, соопшти Министерството за внатрешни работи.

Основното јавно обвинителство Скопје поведе постапка против 40-годишен скопјанец, осомничен за кривично дело Телесна повреда по член 130 став 2 во врска со став 1 од Кривичниот законик. Според обвинителството, настанот се случил на 21 септември во дворот на семејниот дом на улицата „Славејко Арсов“ во Скопје. Осомничениот најпрво на висок тон барал пари од своите родители. Таткото веднаш го напуштил дворот, додека мајката останала и била изложена на груби навреди.

Потоа осомничениот физички ја нападнал.

  • „Започнал да ја влече со рацете за да ѝ го земе телефонот, ја турнал на земја и почнал да ја дави за вратот,“ информираат од обвинителството.

Жената успеала да се тргне на страна, но синот продолжил со насилничко однесување, кршејќи саксии и предмети во дворот.

Поврзани теми:

родители|хроника|тепачка|пари|Изнуда|семејна драма|малтретирање|мвр|топ

Повеќе на оваа тема:

Најнови вести од: Македонија

„Политико“: Брисел му нуди на Скопје „добредодојдовте во чекалницата!“, но Муцунски бара „многу понапредна позиција отколку сега“!

„Од Брисел: ‘Добредојдовте во чекалната’! Тоа ги вклучува Косово и С.Македонија, обете на распоредот на фон дер Лајен, заедно со фаворитите Албанија и Црна Гора. По ова предизвикот за Урсула Лаен е да ги убеди дека Брисел не создава кандидати за ЕУ втор ред.“ – објави денес европскиот аналитички магазин „Политико“. Од друга страна, информативната агенција „Нетпрес“ јавува дека ЕУ нуди ограничен пристап до заедничкиот пазар на земјите-кандидатки, ако се против Русија и Кина.

Бендевска: СДСМ не беа и на денешната средба за Изборниот законик, немаат демократски капацитет и ги сопираат реформите!

Претставничката на ЗНАМ во работната група за реформи во изборното законодавство Весна Бендевска денеска во име на Движењето ЗНАМ искажа длабоко разочарување, поради повторното недоаѓање на СДСМ на оваа средба, нагласувајќи дека токму нивното отсуство говори за немање демократски капацитет.

Директорот на Историскиот музеј во Крушево Миха Оџаклиески поднесе оставка по реакциите за „Секси мама“ во „Македониумот“,

Оџаклиески ја опиша својата одлука како личен, морален и етички чин, со кој, како што наведува, презема одговорност кон институцијата и јавноста. Оставката доаѓа по реакциите за снимањето на спотот на косовскиот рапер Дон Џони во внатрешноста на „Македониумот“, кој е заштитено културно наследство.

Проверете си ги радијаторите!

Од Регулаторната комисија упатија апел до сите заедници на станари навреме да ги проверат внатрешните инсталации во објектите и да ги подмират евентуалните заостанати сметки за електрична енергија за топлинските потстаници, со цел старт на грејната сезона без неочекувани прекини и проблеми
Сите вести од Македонија

Најнови вести

To top