Македонската претседателка Гордана Силјановска-Давкова присуствуваше на приемот што го приредија претседателот на САД, Доналд Трамп, и неговата сопруга Меланија.
„Ми претставуваше чест да присуствувам на приемот што го приредија Претседателот на Соединетите Американски Држави, Доналд Трамп и неговата сопруга Меланија Трамп, по повод 80. Генерално собрание на Обединетите нации.
Во овие турбулентни случувања во светот, важно е да не отстапиме од демократските вредности и да се обединиме во зачувување на глобалниот мир и безбедност. САД биле и остануваат наши искрени сојузници на овој пат.
Благодарност за гостопримството!“, се вели во објавата на Силјановска-Давкова на Фејсбук за приемот на кој присуствуваа 145 шефови на држави и на влади.