Украинскиот претседател Володимир Зеленски вчера пристигна во САД каде денеска ќе има средба со американскиот претседател Доналд Трамп.
„Особено, ќе разговараме за дополнителни испораки на системи за воздушна одбрана. Денес имам и средба со претставници на американски енергетски компании. Сега кога Русија се обложува на терор против нашиот енергетски сектор и извршува секојдневни напади, ние работиме за стабилноста на Украина“, напиша Зеленски на мрежата X.
„Средба со претседателот Трамп е закажана за утре, и сметаме на моментумот за ограничување на теророт и војната што функционираше на Блискиот Исток за да помогне во завршувањето на војната на Русија против Украина“ објави Зеленски..
Неколку часа претходно, Трамп и Путин, на иницијатива на Русија, разговараа по телефон за прв пат по два месеци. Како резултат на разговорот, Трамп најави идна средба во Унгарија.
Владимир Путин со години не стапнал во престолнина на Европската Унија, а сигурно не откако започна целосната инвазија на Русија врз Украина во 2022 година, објавува Би-Би-Си.
Една од главните причини за ова е тоа што против него е издадена потерница од Меѓународниот кривичен суд за воени злосторства. Сепак, Унгарија се повлече од МКС, па владата ќе тврди дека потерницата нема ефект во Будимпешта.
Путин треба да се чувствува меѓу пријатели во Будимпешта, бидејќи унгарскиот премиер Виктор Орбан е негов сојузник и го посети во Москва минатата година, што ги налути неговите партнери од Европската Унија.
Ова е голема победа и за Орбан, бидејќи може да ужива во престижот да биде домаќин и на Путин и на Трамп.