Македонија

Рамиз Мерко им порача на стружани дека нема да го поддржи Арсим Далипи, кандидатот на НАИ и ДУИ во вториот круг

Сѐ уште актуелниот градоначалник на Струга Рамиз Мерко го продлабочи својот судир со довчерашната матична партија ДУИ и со своите сопартијци, практично, повикувајќи ги гласачите на Струга да гласаат во финишот на локалните избори на 2 ноември за независната листа, а не за кандидатот на Али Ахмети и на НАИ.

1 минута за читање

„Не дозволувајте никој да ве збуни!“ – им порача се уште актуелниот градоначалник на Струга Рамиз Мерко на гласачите од Струга, посочувајќи дека нема да ја поддржи опозициската коалиција Национална алијанса за интеграција на ДУИ и Али Ахмети во вториот круг од локалните избори. Ова го објави ТВ 21.

Телевизијата наведува: Мерко соопшти дека независната листа, која тој ја поддржува, ќе одржи состанок наскоро и оти потоа ќе се донесат одлуки, што ќе им бидат јавно објавени на граѓаните.

„Граѓани на Струга, вистински и лојални поддржувачи! Денес ви се обраќам директно и со максимална сериозност, за да го уништам веднаш новиот бран шпекулации и измислени гласини, што имаат за цел да ја нарушат вашата доверба. Кружат гласини дека ќе го поддржам кандидатот на Националната алијанса за интеграција во вториот круг. Сакам цврсто да нагласам: нема да го поддржам кандидатот на НАИ во вториот круг!“ – објави Рамиз Мерко.

Поврзани теми:

Рамиз Мерко|втор круг на локални избори 2025|Арсим Далипи|кандидат за градоначалник на Струга|ДУИ|струга|али ахмети|Национална алијанса за интеграција

Повеќе на оваа тема:

Најнови вести од: Македонија

Шабани: Сѐ уште се без потврда претпоставките дека Ахмети преговара со Апасиев и Левица за поддршка на 2 ноември во некои општини, но и на подолг рок!

Политичкиот аналитичар од Македонија Амир Шабани во својата колумна, која ја објави косовскиот весник „Бота сот“, фрла една поинаква светлина врз политичките потези, кои ги влече лидерот на ДУИ Али Ахмети. Шабани е категоричен дека шефот на „интегративците“ свесно го жртвувал Бујар Османи, фрлајќи го да „изгори“ во „огнот“ на локалните избори воопшто не со цел „Бујар да станел нов градоначалник на Чаир“, туку за да го исфрли од трката за нов лидер на ДУИ, која, како што тврди колумнистот, веќе е започната, зад сцената! Шабани пишува и за сѐ уште непотврдените шпекулации и претпоставки дека Ахмети веќе преговара со Димитар Апасиев неговата партија Левица да ѝ даде поддршка на коалицијата Национална алијанса за интеграција на Ахмети поддршка во некои општини во вториот круг на локалните избори на 2 ноември со надеж дека ќе се ублажи поразот на ДУИ и НАИ од првиот круг, но и за да добие Ахмети можност да ги потисне барањата и повиците за негово заминување во „политичка пензија“!

Мечка на сред улица – надлежните предупредуваат да не се провоцира

Ова се случува во есен, кога животните, особено мечките, интензивно бараат храна за да се подготват за зимскиот период. Како пример наведуваат конкретен настан од пред неколку дена, кога возрасна мечка била забележана ноќе на главниот булевар во градот. Според ловците, ова не е само редок инцидент туку сериозна ситуација, затоа што мечката се движела низ урбана зона, каде може да дојде во директен контакт со луѓе.

(Фото): Наврнаа 55 литри дожд – обилните врнежи продолжуваат во Македонија, до кога?!

Од следната недела ќе има локални врнежи од дожд со послаб интензитет и ќе дува умерен до засилен ветер од северозападен правец. Потоа во следните два дена времето ќе биде стабилно со постудени утра, а нови врнежи повторно се очекуваат во петок кон крајот на денот.

Рамадани: Не ја давам општина Брвеница по ниедна цена, ќе го заштитам секој нејзин жител?!

Се наметнува голема дилема: кому Хаќим Рамадани „нема да му ја даде општина Брвеница по ниедна цена“, од кого и за кого „ќе го заштител секој нејзин жител“?! Каква „лошотија“,  или „опасност“, наводно, им се „заканува“ на жителите на Брвеница, па да морало ете, токму тој да ги „заштитува“?! Во својата објава на фејсбук Хаќим Рамадани се обидува да се „покрие“, па „великодушно“ се нуди дека ќе ги „заштитува“ не само Албанците, туку и „Македонците и други народи, што живеат во општина Брвеница“. Но, етничката интонација на оваа порака преку општествената мрежа, земајќи ги предвид и другите негови изјави во изминативе денови, многу јасно одразува што сака попрво да каже тој. Рамадани веќе порача најотворено дека „треба да се знае кој е газда на својата земја“!

Стевчо Јакимовски треба да стане минато за Карпош, порача Мицкоски

ВМРО-ДПМНЕ и коалицијата убедливо победиле со советничките листи. Мицкоски е убеден дека по вториот круг ВМРО-ДПМНЕ ќе има 60 градоначалници сосе Градот Скопје. Мицкоски зборуваше за актуелниот градоначалник на општина Карпош, Стевчо Јакимовски.

Мицкоски не е задоволен од директорот Хаќим Рамадани, најави негово разрешување од функцијата

Претседателот на ВМРО-ДПМНЕ, Христијан Мицкоски, беше во Брвеница, каде што изјави дека кампањата на Хаќим Рамадани е голема грешка и дека ќе има ефект и во Тетово, Дебар и Струга. Тој додаде дека вакви предупредувања добил и од меѓународните претставници. Мицкоски најави и негово разрешување од функцијата што моментално ја извршува.
Сите вести од Македонија

Најнови вести

To top