Македонија

Демири: Вистинска реформа во ДУИ ќе има само кога ќе заврши култот на „Врховниот лидер“ Али Ахмети, кој стана симбол на застој!

„Наместо да го запре своето паѓање, ДУИ ги менува партнерите како маски на карневал. На парламентарните избори беше со ‘Европскиот фронт’, на овие локални избори со Националната алијанса за интеграција, а утре ќе биде со некој трет, што ќе се согласи ДУИ да го држи покрај себе додека паѓа на удолнината.“ – нагласува во својата објава на фејсбук Муамет Демири од Демократското движење на Изет Меџити, во состав на коалицијата Вреди. Демири е моментно и вршител на должноста директор на Центарот за јавно здравје во Скопје.

1 минута за читање

„ДУИ е во пад не затоа што ѝ недостасува структура, туку затоа што нема храброст за обновување на раководството. ‘Врховниот лидер’ некогаш симбол на ослободувањето, денес е симбол на застој. Нема вистинска реформа без крај на култот на поединецот.“ – истакнува Муамет Демири. Неговата објава на фејсбук ја пренесе информативниот портал на албански јазик „Алмакос“.

Натаму Демири наведува: ДУИ знае дека е во пад, затоа се скри зад „Европскиот фронт“ на парламентарните избори, а сега на локалните избори се скри и зад Националната алијанса за интеграција  (НАИ). Но, коалициите на стравот не го запираат трендот на паѓањето – тие само го одложуваат соочувањето со реалноста.

Наместо да го запре падот, ДУИ ги менува партнерите како маски на карневал. Денес со НАИ, утре со секој друг, што ќе се согласи ДУИ да го држи покрај себе додека паѓа на удолнината. Всушност, падот на ДУИ не е само прашање на изборните резултати – тоа е резултат на длабока политичка, морална и генерациска криза. – посочува Муамет Демири од Демократското движење, од Вреди.

Најнови вести од: Македонија

Во ЕУ расте бројот на лица, што живеат сами! – Во Германија од 41 милион домаќинства дури 42 отсто биле едночлени лани!

Во Европската Унија минатата година 16,5 проценти од населението живеело во едночлени домаќинства, а најголем удел на лицата кои живеат сами е регистриран во скандинавските и во балтичките земји, покажуваат податоците на европската статистичка агенција Евростат. Над европскиот просек е и Германија, каде што секој петти жител, односно 20,9 проценти од вкупно околу 84 милиони жители, живеел сам, соопшти германскиот Сојузен завод за статистика „Дестатис“.

Сиљановска-Давкова: Струшките вечери на поезијата веќе 65 години ги поврзуваат светските меридијани, a Струга е најпоетскиот град на планетава

Струшките вечери на поезијата, поетски дом, кој веќе 65 лета поврзува меридијани, го соединува и обединува светскиот поетски сој со љубителите и почитувачите на убавата реч во старата, но витална Струшка бунтовна република на поетите, кои се борат за подобар и похуман живот. Шест и пол децении сме благословени да бидеме домаќини на мајсторите на јазикот и алхемичарите на мислата, преточувајќи ги во естетика и етика, истакна вечерва од Струга претседателката Гордана Сиљановска-Давкова прогласувајќи ги за отворени 65. Струшки вечери на поезијата.

Петрушевски: СДС одработува за интересите на Бугарија, мислејќи дека така ќе дојдат на власт! Се соочуваме со странско мешање во внатрешните работи на Македонија!

Бране Петрушевски, пратеник во Собранието од редовите на ВМРО-ДПМНЕ, вечерва гостуваше во емисијата „Само Вистина“ на Канал 5 телевизија, при што се осврна на односите на Република Македонија со источниот сосед Бугарија како и случувањата поврзани со јавно споделената дипломатска нота во која беа содржани информации за патувањето на членовите на најтесниот круг на семејството на премиерот Мицкоски, кое како што рече Петрушевски претставува невиден скандал во дипломатските односи и прекршување на истите.

Најава дека „тетовчани в петок ќе се кренат против одлуката на Уставниот суд за промената на имињата на улиците во Тетово“!

„Тетовчани ќе се кренат во петок! Плоштадот Илирија нема да стане ‘Маршал Тито’, колку и да сонува некој за такво нешто.“ – објави на својот фејсбук-профил Рами Мислими, новинар, политички аналитичар и сопственик на албанскиот информативен портал на албански јазик „Тетова сот“ од Тетово. Неговата објава под наслов „Имињата на улици во Тетово: тетовчани ќе се кренат в петок против Билал Касами“ ја пренесоа овој портал и други медиуми на албански јазик во Македонија.

Екстрадиран Саит Саитов кој во јануари избега во Србија откако прегази жена во Капиштец

Деветнаесетгодишниот Саит Саитов од Скопје, кој беше баран со меѓународна потерница распишана од МВР на 12 јануари, денеска е екстрадиран од Србија во нашата земја, информира Министерството за внатрешни работи. МВР објави дека на Саитов му е определена мерка притвор и дека е предаден во затворот „Скопје“ за понатамошна постапка

Сите вести од Македонија

Најнови вести

To top