Бугарската Влада го исклучи претседателот Румен Радев од делeгацијата која ќе учествува на самитот на НАТО кој ќе се одржи на 24 и 25 јуни.
Делегацијата ќе ја предводи премиерот Росен Жељазков а ќе го придружуваат министрите за надворешни работи – Георг Георгиев и за одбрана – Атанас Запрјанов, началникот на одбраната адмирал Емил Ефтимов, претставници на Министерството за надворешни работи и Министерството за одбрана.
Бугарскиот претседател Радев го критикуваше НАТО за неговата помош за Украина
До 2023 година, Радев секогаш ги водеше делегациите на овие состаноци. И тој беше на овие форуми во Велс, Мадрид и Брисел. Сепак, за состанокот во Вилнус, за прв пат му беше отфрлено учеството од тогашната влада, предводена од Николај Денков.
Фокусот на самитот во Хаг ќе биде прашањето за трошоците за одбрана, како и зајакнувањето на индустрискиот одбранбен капацитет на НАТО, понатамошното зајакнување на потенцијалот за одвраќање и одбрана на Алијансата и обезбедувањето долгорочна поддршка за Украина.