Како одговор на забелешките на германски генерал за подготвеноста на НАТО за војна со Русија, портпаролката на руското МНР, Марија Захарова, изјави дека ваквите изјави од претставници на НАТО доаѓаат секој ден и ги отфрли како „координирана кампања за психолошка подготовка на населението за конфликт, користејќи ја Русија како жртвено јагне за внатрешни проблеми“, пренесуе Индекс.хр.
„Доколку меѓу стратезите на НАТО се појави таква луда идеја, напад врз нашата земја, не треба да се сомневаме дека ќе одговориме користејќи ги сите расположиви средства. Руското раководство редовно го разјаснува овој став“, изјави Захарова
Потоа додаде: „Што се однесува до нас, иако сме уморни од повторување, ќе продолжиме да го правиме тоа. Не планираме да ги напаѓаме земјите-членки на НАТО. Сепак, веќе ги преземаме потребните мерки за да ја обезбедиме безбедноста во услови на зголемување на силите на алијансата во близина на нашите граници“.
„Русија е подготвена за секаков сценарио и секогаш дава приоритет на мирот, пријателството и еднаквата соработка“, нагласи таа.