Тивок бунт на медицинските студенти на Универзитетот Гоце Делчев во Штип.
Родители на студенти кои инсистираат на анонимност тврдат дека за 7 недели од почетокот на студиската година децата имале само едно предавање на важниот предмет Инфектологија.
Студенти потврдуваат дека предавања по предметот Инфективни болести 1 нема ни на македонската ниту на неанглиската приватна програма.
Досега, од први Октомври кога почна студентската година само едно воведно предавање со општи податоци одржала предавач која работи на приватна клиника во Скопје.
Дополнителен проблем е што оваа наставничка е насловен доцент и како таква по закон може да држи половина предмет, односно може да дели предмет со уште некој професор но не може сама да предава или држи неколку предмети.
На воведното предавање професорката на студентите им најавила дека проблемот ќе се реши со професори од медицинскиот фалултет од Ниш кои ке доаѓаат и ќе продолжат со предавањата.
Извори од УГД кои не сакаат да се замерат со управата на унивеезитетот тврдат дака со професор од Ниш имаат лошо искуство по предметот Нуклеарна медицина кој доаѓа само еднаш во семестар што е надвор од законот и катастрофално за студентите.
Изворите од УГД предупреуваат дека и на останатите програми како Дентална медицина и Лаборанти има проблем но не можат да кажат дали таму воопшто имало некое предавање.
Според групата која студентите ја користат на една социјална мрежа многумина прашуваат зошто нема предавање и кога тоа ќе се реши, затоа што иако дел од нив се запишани само за диплома огромен број сакат да добијат и знаење.
Студентите сега се збунети и за материјалот од кој што сега треба да учат.
Не знаат дали за испитот Инфективни болести 2 треба да учат од ланската програма или новиот професор ке им бара нешто друго од програмата на Нишкиот универзитет.
Голем дел од студентите се плашат затоа што не го знаат српскиот јазик и нејасно е како ќе се разберат со професори кои не знаат македонски јазик на работно ниво.
Според списоците најмалку 150 студенти треба да го полагаат овој предмет.
Според најавата за следната сабота е најавено двајца професори од Ниш да им предаваат што според професори од Штип ако се случи ќе биде страшна капитулација на УГД и македонското високо образование.
Тие не смеат да предаваат на српски јазик што би било срамно и за Медицинскиот факултет и за целиот УГД Штип.
Родители на студенти најавуваат дека ќе бараат состојбата да ја проверуваат Државните инспекторати за високо образование но се плашат дека ако инспекторите дојдат а проблемот не се реши може да им пропадне студирањето на децата поради можно затворање на факултетот кој работи 15 години а досега не оформил наставен кадар за сите предмети.
УГД и тамошниот медицински факултет засега молчат за проблемот.