Иранскиот министер за надворешни работи Абас Арагчи вечерва пристигна во Москва, каде што утре ќе се сретне со рускиот претседател Владимир Путин и со други функционери за да разговара за ситуацијата на Блискиот Исток по нападите на САД и Израел врз Иран.
„Абас Арагчи пристигна во Москва на разговори со претседателот и со други високи руски функционери“, објави иранската новинска агенција ИРНА.
Пред неговото патување во Москва, Арагчи наведе дека Иран има стратешко партнерство со Русија. Тој рече дека Иран остро ги осудува нападите на САД како „кршење на меѓународното право“, нагласувајќи дека САД носат целосна одговорност за последиците од нивната агресија.