Пратеничката Жаклина Пешевска од 24. состанок на заедничкиот парламентарен комитет ЕУ – Република Македонија во Стразбур говореше на тема „Владеење на правото и борба против корупцијата“.
„Презентирајќи ја досегашната работа и посветеноста на Владата на Република Македонија во поглед на реформите во судството, потенцирав дека со сите реформи што се случуваат во Македонија и со сите вредности што ги споделуваме, природно припаѓаме на европското семејство, само треба што поскоро да се официјализира нашето членство и конечно да се исправи долгогодишната неправда!“, порача потпретседателката на Интернационалната демократска унија и претседателка на Унијата на жени на ВМРО-ДПМНЕ.