Бизнис

Граѓанските обврзници од третата емисија достапни во сите банки низ земјава

Овие обврзници се издадени со рок на доспевање од две години, а каматната стапка изнесува 4,5% годишно. Првата исплата на камата ќе се изврши на 19 декември 2026 година, додека обврзницата целосно доспева – заедно со втората камата – на 19 декември 2027 година.

1 минута за читање

Министерството за финансии објави дека граѓаните можат да се запишат за новата, трета емисија граѓански обврзници во сите деловни банки низ земјата. Запишувањето се прави директно во филијалите, без дополнителни процедури или посебни услови.

Рокот за пријавување е до 10 декември 2025 година, а минималниот износ за вложување е 10.000 денари, односно вредноста на една обврзница. Проспектот предвидува емисија во вкупна вредност од 100 милиони денари.

Овие обврзници се издадени со рок на доспевање од две години, а каматната стапка изнесува 4,5% годишно. Првата исплата на камата ќе се изврши на 19 декември 2026 година, додека обврзницата целосно доспева – заедно со втората камата – на 19 декември 2027 година.

Од Министерството напоменуваат дека со оваа емисија продолжуваат да им нудат на граѓаните сигурна можност за заштеда, преку инструмент што е директно поддржан од државата.

Поврзани теми:

обврзница|бизнис|граѓани|пари|банки

Повеќе на оваа тема:

Најнови вести од: Бизнис

Нето наплатата на даноците и социјалните придонеси за 260 милиони евра повеќе отколку лани, велат од УЈП

Во првите десет месеци, имаме раст на даночната нето наплата од над 6%, а кај социјалните придонеси, речиси 10%. Што ни кажуваат овие бројки? Тие ни го кажуваат најважното: економијата расте, активноста се зголемува, а со тоа растат и приходите. Тоа е резултат не само на поефикасната работа на УЈП, туку и на поголемата дисциплина и одговорност кај обврзниците, велат од УЈП.

Парното поскапува за 5,9% – на крајната цена нема да се чувствува премногу

Од 1 декември, цената за парно за преку 60 илјади потрошувачи се зголемува за 5,9 отсто. Потрошувачите приклучени на Железарското парно ќе плаќаат повисока цена за 7,6 отсто, а на топланата Скопје Север за 7,7 отсто.

(Видео): Наскоро нова авионска линија Виена-Охрид

Со доаѓањето на Владата предводена од ВМРО-ДПМНЕ во туризмот се бележи раст од 20%, како и со обезбедување на 21 нови дестинации кон скопскиот и охридскиот аеродром. Ова го истакна потпретседателот на ВМРО-ДПМНЕ и министер за транспорт Александар Николоски во емисија на Канал 5 телевизија, во „Само Интервју“.

Николоски до Крмов: Ако Кина e подготвена да даде бескаматен кредит за Охрид-Кичево, договорете го – ние го прифаќаме

Владата има одбиено бескаматен кредит од НР Кина за Коридорите 8 и 10, а се користи заем од Обединетото Кралство, рече Николоски и додаде дека се работи за изјава што е извадена од контекст, посочувајќи дека таква работа, за жал, не стигнала како понуда до Владата, а да стигнела би ја разгледале многу сериозно.

ИПАРД-3 програмата не е блокирана, цело време се склучуваат договори

Министерот објасни дека веднаш по сознанијата за злоупотреби од страна на директорот и други лица, бил активиран Националниот механизам, по што националниот координатор презел мерки за брза реакција и привремено стопирање на работата на Платежната агенција со цел да се утврди што точно се случувало.

(Видео): Вложувањето во човечки капитал е најважната задача на една институција

Стојановски својата кариера ја започнал во Народна банка на Македонија, токму во периодот кога институцијата ги градела својата улога и своите капацитети, особено во доменот на банкарската супервизија. Во Народна банка поминува 13 години напредувајќи низ различни работни позиции, сè до функцијата генерален менаџер на Дирекцијата за супервизија, регулатива и финансиска стабилност.
Сите вести од Бизнис

Најнови вести

To top