Бизнис

Инвестициите клучни за одржлив развој – што прогнозираат економистите до крај на 2025-та?!

Годинава, според економските аналитичари, ќе заврши со раст на БДП за 3,2%. Третото тромесечје испорача пораст од 3,8% што на Владата и даде аргумент да ја вброи земјава во трите водечки европски економии. Како ќе заврши економската 2025-та ќе се знае по истекот и на последниот квартал што веќе го „ситниме“, но според таргетот, годинава […]

2 минути за читање

Годинава, според економските аналитичари, ќе заврши со раст на БДП за 3,2%. Третото тромесечје испорача пораст од 3,8% што на Владата и даде аргумент да ја вброи земјава во трите водечки европски економии. Како ќе заврши економската 2025-та ќе се знае по истекот и на последниот квартал што веќе го „ситниме“, но според таргетот, годинава треба да заврши со 3,5% раст на БДП . Во меѓувреме економистите прогнозираат дека во оваа 2025-та растот на БДП ќе изнесува 3,2%, пренесе Локално.мк.

Според аналитичарите, за одржлив раст и развој, клучни ќе бидат домашните и странските инвестиции.

  • „Умерените инфлациски движења, растот на платите и пензиите ќе придонесат за зголемена куповна моќ на населението и заедно со кредитирањето би придонеле за раст на личната потрошувачка, што би се одразило позитивно врз економската активност. Посебно се истакнува важноста на јавните инвестиции во инфраструктурни проекти за економијата“ – се наведува во најновата Анкета на НБМ со која се опфатени ставови на економските аналитичари.
Локомотива на економскиот раст е градежништвото, бруто инвестициите испорачаа двоцифрена стапка на пораст но тоа е „променлива“ компонента која треба да се следи – оценија од „Фајнас Тинк“.

Во предлог-буџетот за 2026-та Владата ја ревидираше стапката на економски раст за годинава во надолна линија, од 3,7% на 3,5%. Следната година според новите буџетски прогнози растот на БДП ќе изнесува 3,8%.

  • „Главниот двигател на растот е предвидено да биде домашната побарувачка, во услови на раст на брутоинвестициите и потрошувачката. Бруто-инвестициите е предвидено да се зголемат за 8,4% на реална основа, во услови на поинтензивна реализација на големите инфраструктрни проекти во јавниот сектор кои се во понапредна фаза, пред се коридорите 8 и 10д, како и инвестициите во железничкиот транспорт, енергетиката, земјоделството, образованието и здравството. Дополнителен двигател на бруто-инвестициите ќе биде и поддршката на општините за реализација на капитални инвестиции“ – се наведува во Буџетот за 2026-та кој е во собраниска процедура.

За разлика од Владата која најавува забрзување на темпото на економски раст, опозиционерот Фатмир Битиќи на собраниска дебата за буџетските политики посочи дека следната година се крати на капиталните инвестции кои треба да бидат столбот на економскиот раст.

Поврзани теми:

раст|пари|развој|производство|инвестиции|компании|топ|прогнози|Македонија|актуеално|работници|економисти|БДП|економија|профит

Повеќе на оваа тема:

Најнови вести од: Бизнис

Регионална експанзија на АЛТА Група: Со преземање на ЗОИЛ Македонија АД Битола воспоставен интегриран систем на банкарски и осигурителни услуги

Интегрираниот модел „сè на едно место“ е усогласен со европските практики и овозможува поголема ефикасност, заштеда на време и полесно донесување финансиски одлуки

Иран ги обвини САД за прекршување на договорот – цените на нафтата веднаш реагираа со пораст

Новите обвинувања од Иран повторно ја зголемија неизвесноста на пазарот, покажувајќи колку е кревка моменталната ситуација околу Ормускиот теснец – стратешкиот теснец низ кој поминува голем дел од светското снабдување со нафта.

Цената на становите порасна за 16,7% – сепак пазарот на недвижности го има последниот збор

Најактивни општини биле Центар, Аеродром и Карпош каде становите се продавале по просечна цена од 1.692, 1.558 и 1.419 евра за квадратен метар. Најскап стан лани бил продаден во Аеродром за 166.500 евра, а во оваа општина е постигната и највисока цена по квадрат – 3 784 евра за квадратен метар.

„Тиквеш“ триумфира во Јапонија: Две гран-при од вкупно девет награди на натпреварот SAKURA

Меѓу деветте признанија се две Гран-при награди, како и два двојни златни медали, четири златни и еден сребрен медал, што претставува јасен сигнал за конзистентниот квалитет и глобалната релевантност на вината на „Тиквеш“

„Реплек“ со раст на домашниот пазар од 20% во првиот квартал од годинава и зголемена дивиденда за 25%

Двоцифрената стапка на раст е резултат на континуираното унапредување на портфолиото, инвестициите во иновации, модернизацијата на производствените капацитети, како и зајакнувањето на односите со партнерите и пациентите

Инфлацијата скокна на 4,9% во пресрет на празниците

Од храната најмногу на удар е овошјето. Цените тука се зголемиле за 12, 7 отсто, кај  млекото и јајцата за над 8 проценти. Поскапување од 7 отсто се забележува и кај маслото и мастите и кај житата и житните производи . Во оваа категорија влегува лебот.
Сите вести од Бизнис

Најнови вести

To top