„Премиерот на Албанија Еди Рама вчера, на 1 јули 2025 година во Скопје, во рамки на Самитот ЕУ-Западен Балкан, направи симболична прошетка во Старата чаршија, придружуван од потпретседателот на ДУИ Бујар Османи. Ова излегување содржи јасна политичка порака, особено пред локалните избори во С.Македонија. Старата чаршија во Скопје, како центар на албанското културно наследство, претставува точка на средба на идентитетот и политичката моќ.“ – објави информативниот портал на албански јазик „Тетова сот“
Во веста порталот нагласува: „Присуството на Рама до Османи изразува поддршка и консолидација на меѓуалбанската соработка на еден меѓународен настан, што се фокусира на европската интеграција. Оваа прошетка е стратегиска политичка активност, која ја поврзува локалната симболика со регионалната и европската визија.“