Поранешниот пратеник и експотпретседател на ДПА, Орхан Ибрахими, реагира на заканата од лидерот на ДУИ, Али Ахмети, дека ќе објавел илјадници досиеја.
„Али имал над сто илјади досиеја и наводно ќе ги објави?
Никогаш. Никогаш. Ни на сон.
Ги има овие досиеја во рака најмалку 25 години, вклучително и неговите.
Ама овој, за почеток, зошто не си го објавува сопственото досие, нормално така, целосно немонтирано, нефилтрирано и несечено?
Како што се објавувале, дури и како книги, од високо прогонувани и поранешни политички затвореници, на пример, Мухарем Шаљани, Наим Ибрахими и многу други.
А како може човекот кој избрал за соработници да ги објавува оригиналните досиеја околу себе, во својата политичка организација, кога 90 проценти од нив се следбеници, изработувачи на досиеја, комунисти, лакеи и поранешни удбаши, луѓе кои за време на полицискиот третман станале соработници?
Оваа каста, соработниците на Али, ги видовме како потпретседатели и високи функционери на партијата, директори, министри и заменици-министри, градоначалници на општините, заменици и високи дипломатски претставници, како и во сите други категории, на пониски нивоа, како корисници на привилегии од државата.
Па, ако се случи чудо и „зајакот прави чуда, па се облекува како човек“, нека почне да го објавува сопственото досие и досиејата на најблиските соработници кои ги држи во рака веќе 25 години!“, му порача Ибрахими од Движењето „Арберија“ на Ахмети.