Македонија

Муцунски: Проширувањето на ЕУ не е добротворна акција, туку чекор кон мир

Не ја гледаме реформската агенда како замена за пристапните преговори, бидејќи реформската агенда не може да ги замени пристапните преговори

1 минута за читање

 

На проширувањето на Европската Унија не треба да се гледа како добротворна акција, туку како инвестиција и чекор кон мирот, безбедноста и економската стабилност, како за регионот, така и за Европа,порача министерот за надворешни работи на Република Македонија, Тимчо Муцунски.

Муцунски го пофали Планот за раст како алатка каде што реформите значат награда и механизам преку кој граѓаните ќе видат дека доброто управување навистина функционира.

„Ние не ја гледаме реформската агенда како замена за пристапните преговори, бидејќи реформската агенда не може да ги замени пристапните преговори.

Но, од друга страна, ја гледаме како алатка преку која ЕУ и земјите-членки можат да проценат дали владата, граѓаните, нацијата, невладините организации, академската заедница и сите други инвестираат во европскиот пат“, изјави шефот на македонската дипломатија.

Поврзани теми:

актуелно|еу|МУЦУНСКИ|проширување|реформска агенда|Македонија ЕУ

Повеќе на оваа тема:

Најнови вести од: Македонија

Утринава на Попова Шапка најстудено, минус 8 степени, но и најмногу снег, 31 сантиметар

Времето денеска ќе биде променливо облачно и студено, претпладне со повремени локални врнежи од снег, попладне врнежите ќе престанат. Ќе дува умерен, а долж Повардарието засилен ветер од северен правец. Максималната температура ќе биде во интервал од -1 до 5 степени. Во Скопје, променливо облачно и студено. Претпладне со повремен слаб снег. Ќе дува умерен, во делови од котлината повремено засилен ветер од северен правец. Максималната температура ќе достигне до 3 степени.

Нобеловиот институт ja отфрли замислата на Мачадо да му ја „отстапи“ на Трамп наградата за мир

Нобеловиот институт објави во саботата дека Нобеловата награда за мир не може да се пренесе на друга личност, да се подели или да се одземе, откако лидерката на венецуелската опозиција Марија Корина Мачадо, изјави дека може да му ја отстапи наградата за 2025 година на американскиот претседател Доналд Трамп.

За Беџети, „кандидат за нобеловец за економија“, „легитимно е РСМ да се федерализира, а да се смени антиалбанскиот устав“!

„Барањето за федерализација на Македонија е легитимно, но тоа беше поништено уште во 2001 година. Албанската политика сега нема моќ ниту да го отстрани терминот ‘20 проценти’ во антиалбанскиот устав.“ – наведува д-р Неџат Беџети, професор по економија во државниот Универзитет во Тетово, кој инаку беше предложен од група од негови колеги-економисти во декември 2023 година како „кандидат за добивање Нобелова награда за економија“, со образложение дека „развил ‘Теорија на економскиот развој заснована врз демографското концентрирање“. Кандидатурата на Беџети била пријавена во Комитетот за Нобеловата награда, но друг ја имаше добиено.

Денес повторни избори за градоначалник во четири општини

Во општините Гостивар, Маврово – Ростуше, Врапчиште и Центар Жупа денеска се одржуваат повторени избори за градоначалник, откако на првиот круг на локалните избори на 19 октомври минатата година не беше постигната законската излезност од најмалку една третина (33,33 проценти) од запишаните гласачи, што е услов изборите да се сметаат за успешни.

Македонија воведува најстроги забрани против пушење, казни за граѓаните и до 300 евра

Државата подготвува целосно нов и значително построг Закон за заштита од пушење, со кој драстично се заоструваат правилата за употреба, продажба, рекламирање и промоција на тутунските и никотинските производи.
Сите вести од Македонија

Најнови вести

To top