Во жестока конкуренција, затоа што во минатата гпдина имаше многу луѓе кои со своето однесување влегуваат во групата ,,Македонци на годината”, младите Лука и Калин ги бираме за ,,Најмакедонци” на 2025та година.
Лука и Калин, двајцата млади учесници во квизот „Листа за 300“ на Сител ТВ, одбија да кажат „Северна Македонија“ и изгубија пари.
Во моментот кога требаше да набројат неколку земји кои ја содржат буквата „С“, наведоа 32. И им недостигаше уште една.
Сепак, не го кажаа новото име на нашата земја како што се очекуваше.
Водителот отпосле им рече дека можеле да победат ако кажеле Северна Македонија но доби јасен одговор.
“А, тоа не го кажуваме“, рекоа Лука и Калин.
Бура од реакции на социјалните мрежи предизвика овој момент од квизот.