Македонија

Костадинов го замрзна членството во СДСМ!

Не со ова раководство, не додека СДСМ не се врати таму каде што и е местото, најмалку каде што е сега

2 минути за читање

Откако лидерот на опозициската СДСМ, Венко Филипче, објави дел од имињата со кои партијата ќе се натпреварува на локалните избори, меѓу кои не се најде и она на актуелниот струмички градоначалник, Костадин Костадинов со жестока реакција на Фејсбук.

Тој соопшти дека го замрзнал своето членство во СДСМ, нагласувајќи дека не прифаќа да биде дел од партијата под актуелното раководство.

„Мојата партиска припадност од денес е замрзната во СДСМ, не со ова раководство, не додека СДСМ не се врати таму каде што и е местото, најмалку каде што е сега“, напиша Костадинов.

„Ова не е крај…

Во сегашната политичка слика, мојата кандидатура – од било која партија – е бесмислена.

Не затоа што се плашам од пораз. Јас не знам што значи да изгубиш избори. Туку затоа што нема вистинска понуда за градот. Нема суштинска дебата. Нема нова визија. Нема предизвик“, вели Костадинов,

„Свесен за тешката состојба во која се наоѓа мојата партија, од безидејноста, сакам да помогнам за жал нема како…

Во следните месеци, ќе започнам со креирање на ново интерпартиско делување, кое ќе биде презентирано по завршувањето на локалните избори. Целосно прецизна стратегија, доволно мотивирачка за да обедини авторитети што ѝ недостигаат на СДСМ, тешки за да бидат непривлечни за политичките авантуристи, и доволно забавни за да се пронајдат младите…

Мојата стратешко политичка одлука за делување во СДСМ или можеби надвор од СДСМ ќе биде јавно кажана во два дела. Првата ќе биде септември, конечната по завршување на овие локални избори. До тогаш посакувам среќа да се победи во барем една општина“, порача Костадинов во објавата.

Поврзани теми:

Костадинов|топ|Филипче|градоначалник|СДСМ|членство

Повеќе на оваа тема:

Најнови вести од: Македонија

Македонија не би требало да прифаќа по налог на ЕК третман како безначајна „геоополитичка трева“, која би ја газеле „слоновите“ додека се тепаат меѓу себе

Не соодветствува со автентичните државно-национални интереси на Македонија и на нејзините граѓани најновата позиција, која ја изнесе еврокомесарката за проширување на ЕУ Марта Кос, дека „земјите-кандидатки мора да направат геополитички избор на која страна се пред да влезат во ЕУ“. Спроведувањето на овој став дополнително би ја  усложнил ионака сложената ситуација, во која се наоѓа Македонија веќе изложена на сериозни критики во најновиот извештај на Европската комисија дека „не искажува резултати во реформите“ и оти „запаѓа во застој“.

Еврокомесарката Кос: Земјите-кандидатки мора да изберат на која страна се пред да влезат во ЕУ

„Би можеле да ја видиме Европа обединета за прв пат во ист дом, но тоа исто така значи и правење избори.“ – изјави еврокомесарката за проширување Марта Кос во интервјуто, кое го даде за „Еуроњуз“ на Самитот за проширување, што се одржа во Брисел оваа седмица. „Ако се свртите кон Русија, или ако не примените санкции, тоа е нешто, што не можеме да го толерираме.“ – предупреди Кос.

Обилен дожд и ноќва низ цела Македонија, до кога?!

Поради влијанието на серијата на влажни воздушни бранови од Медитеранот во Македонија во изминатите 12 часа до 19 часот на повеќе места беше врнежливо а повремено врнежите беа обилни и поројни и проследени со грмежи како и со засилен ветер од јужен и од југоисточен правец.

(Фото): И дење и ноќе – Скопје се чисти како никогаш до сега, рокот од 72 часа истекува в недела

Акцијата за почисто Скопје е во полн ек. Новиот градоначалник Ѓорѓиевски и надлежните служби имаат рок уште неколку часа да го реализираат предизборното ветување за уреден и чист град. И дење и ноќе – Скопје се чисти како никогаш до сега, рокот од 72 часа истекува в недела.

Алиу: ДПА нема добиено покана за влез во владата, но нема да ја одбие, ако биде упатена

„Поразот на ДУИ на локалните избори не е национална трагедија на Албанците.“ – изјави Имер Алиу, членот на Централното претседателство на ДПА, која попладнево денес одржува Централно собрание.

И во медицината ќе се применува вештачка интелигенција за подобрување на дијагностиката

Здравствениот систем на 21 век не се гради само со ѕидови, апарати и процедури, туку се гради со податоци, со интеграција, предвидување и дигитална инфраструктура во здравството, порача министерот за здравство, Азир Алиу во обраќањето на отворањето на Саемот за медицина, стоматологија и фармација во Скопје, во организација на Комората на приватно здравство на Македонија.
Сите вести од Македонија

Најнови вести

To top