Трите главни политички групи во Европскиот парламент – Европската народна партија (ЕПП), Социјалистите и демократите (С&Д) и либералите од „Обновена Европа“ – се согласија да ги отстранат сите референци за „македонски идентитет“ и „македонски јазик“ од нацрт-извештајот за напредокот на Република Северна Македонија, објави Андреј Ковачев на Фејсбук.
Одлуката е донесена на иницијатива на ЕПП и се очекува да биде поддржана од мнозинството на пленарната седница следната недела.
Според претставниците на ЕП, темите поврзани со идентитетот и јазикот не треба да бидат присутни во извештаите за земјите-кандидатки за ЕУ, бидејќи тие можат да доведат до поделби и политички тензии.
Според нив, конкретниот случај на Република Македонија е пример за ова, особено со оглед на изјавите на владата во Скопјe и премиерот Христијан Мицкоски, кој инсистира на „вековен идентитет и јазик“.
Во својата objava, Ковачев истакнува дека македонските власти се обиделе да ги претстават своите постапки како дипломатска победа против Бугарија непосредно пред локалните избори. Ова беше направено со цел да се оправдаат пред јавноста можните козметички измени на уставот, вклучително и делумното признавање на Бугарите како заедница.
И покрај притисокот и интензивното лобирање, европратениците се категорични дека ваквите контроверзни теми не треба да најдат место во официјалните документи на Европскиот парламент или другите институции на ЕУ.
Наместо тоа, велат тие, Република ^ Македонија треба да го почитува билатералниот договор со Бугарија и да ги засили активностите на заедничката историска комисија – единствената платформа каде што треба да се дискутираат прашања поврзани со заедничката историја, како што е предвидено во договорот.