Малиот генијалец Македон освои неколку награди и признанија на турнири по математика во Несебар Бугарија, и уште еднаш нè направи горди пред светот.
Младиот Македон продолжува да нижи успеси, а неговиот татко Владимир откри дека постигнал мошне добри резултати на турнири по математика во Несебар, Бугарија.
„Денес заврши интернационалниот турнир ’Математика без граници‘ и турнирот по алгебра Lodovico Ferari каде учествуваа 14 земји со 875 учесника во Несебар, Бугарија.
Македон уште еднаш го прослави името на Македонија и го виореше македонското знаме во Бугарија.
Тој освои математичка ѕвезда на турнирот, освои пехар III – купот на математика без граници, сребрен медал по алгебра и бронзен медал на основниот турнир“, пишува во објавата од неговиот татко Владимир, пренесе Црнобело.