Македонија

Спречен обид зa „увоз„ на опасно оружје во Македонија

Сериозно меѓународно кривично дело, при што се запленети девет пиштоли, од кои пет имале висока продорна моќ, додека едно лице, државјанин на С, Македонија, е лишено од слобода и е во притвор

1 минута за читање

 

Царинската управа соопшти дека на граничниот премин Богородица се запленети девет пиштоли, од кои пет имаат висока продорна моќ. Како што соопштија, еден македонски државјанин е лишен од слобода и е во притвор.

„Спречен е обид за извршување на сериозно меѓународно кривично дело, при што се запленети девет пиштоли, од кои пет имале висока продорна моќ, додека едно лице, државјанин на С, Македонија, е лишено од слобода и е во притвор.
Случајот е откриен во вторник вечерта од страна на царински службеници на граничниот премин Богородица, на излез од земјата, при детален преглед на возило со македонски регистарски ознаки, управувано од државјанин на Северна Македонија, каде на покривот на возилото, помеѓу лимот и тапацирот, се пронајдени пиштоли од марката „Црвена Застава“.

Случајот е предаден на Одделот за истраги при Секторот за контрола и истраги, кој го лиши лицето од слобода, а по преземањето на предистражни мерки против него, поднесена е кривична пријава до Основното јавно обвинителство Гевгелија за сторено кривично дело „неовластено држење, посредување и трговија со оружје и распрскувачки материјали“, казниво по Кривичниот законик.

По наредба на јавниот обвинител, лицето е во притвор, додека истрагата продолжува“, се вели во соопштението на царинската управа.

Поврзани теми:

опасно оружје|меѓународно кривично дело|актуелно|Царина|шверц|меѓународен криминал

Повеќе на оваа тема:

Најнови вести од: Македонија

Важни вести за Македонија од Брисел: „Политико“ јавува за „планот за двостепена ЕУ“ и „отежнување на правото да се користи ветото“!

„ Новите предлози ќе понудат можност да се стане членка на ЕУ, но ќе се ограничат некои права за донесување одлуки – а можните членки се поделени. Земјите што чекаа со години да се приклучат кон ЕУ се поделени околу плановите, што се изготвуваат во Брисел, за да им се дозволи да станат членки без вообичаеното полноправно право на глас. Меѓу малкуте земји во Источна Европа и Западен Балкан, кои се во ред за пристапување кон блокот, се појавува поделба околу условите поврзани со нивните апликации. Некои инсистираат дека треба да ги добијат сите придобивки од блокот, додека други се среќни само што се на масата.“ – објави денес аналитичкиот магазин за европски прашања „Политико“ од Брисел. – извести денес угледниот „Политико“ од Брисел за моментните расправи, кои се водат во Брисел за планот за „двостепена ЕУ“, што може да има соодветно значење за евроинтеграцијата на Македонија.

Мицкоски: „Безбеден град“ почнува од 1 февруари – Во рамки на редовни средби со лидери на партии ќе се сретнам и со Ахмети

Премиерот Христијан Мицкоски информира дека вчера во Собранието се одржал состанок на ниво на координаторите на пратеничките групи на ВМРО-ДПМНЕ и ДУИ во врска со законот за прекршоци и оти некои работи, кои биле нејасни за ДУИ, биле разјаснети поради што очекува тој да биде донесен на следната собраниска седница и „Безбеден град“ да почне непречено да се применува од 1 февруари. Мицкоски не прецизира кога би имал средба со претседателот на ДУИ, Али Ахмети, како што беше најавено по лидерската средба во средата, туку само изјави дека одржува средби со лидерите на повеќе политички партии и оти во тие рамки би се одржала и средбата со Ахмети.

Жител на Чучер Сандево се заканувал дека ќе ја запали сопругата и ќе ја убие со двете ќерки, му нашле автоматска пушка и над 70 куршуми

Осомничениот, на 13 јануари, во својот дом во Чучер Сандево, држел автомат STEN MKII кој им е целосно забранет на граѓаните, како и 71 куршум муниција со калибар 9 мм соодветна за испукување од тоа автоматско оружје.

Дваесет лица под истрага, осомничени дека му нанеле штета од 4,8 милиони евра на буџетот!

Под раководство на јавен обвинител од Основното јавно обвинителство за гонење на организиран криминал и корупција (ОЈО ГОКК) истражителите од Истражниот центар при обвинителството, со асистенција на МВР, вчера до доцните вечерни часови вршеа претреси на 16 локации низ државата. При претресите се пронајдени и времено одземени фиктивна документација, парични средства, оружје и лажни печати од правни лица, а осомничените лица се обезбедени.

Колективна оставка на раководството на АА на „вртикапецот“ Таравари, кој сега вели: Немаме ништо заедничко со ДУИ и Ахмети!

Арбен Таравари лани за ДУИ имаше кажано дека се „рак за општеството“ и оти им треба ресетирање“.Алијанса за Албанците се подели на два дела, токму поради несогласувањата за соработка со ДУИ. Таравари го сметаше како „предавство“ чекорот на Зијадин Села да се здружи со ДУИ. Но во почетокот на мај во 2025 година Таравари поднесе оставка од позицијата министер за здравство и заедно со неговото крило во АА излезе од Владата и премина на страната на Али Ахмети и ДУИ и со нив започна соработка како опозиција, настапувајќи заенички на локалните избори со катастрофален резултат. Арбен Таравари во 2023 година имаше кажано дека „Али Ахмети има вистински здравствени проблеми и треба да отиде поскоро во пензија“, во 2025 година имаше неколкумесечни тајни преговарања со истиот Ахмети заради стапување во „опозициски брак“, а сега во оваа 2026 година пак „ја врти капата“ и изјавува категорично „немаме ништо заедничко со ДУИ, ништо, имаме своја стратегија“!
Сите вести од Македонија

Најнови вести

To top