Свет

Зеленски: Не можам да дојдам на преговори со Путин во Москва

Украинскиот претседател одбива средба и во Белорусија, означувајќи ја како сојузник на Русија во војната со неговата земја

1 минута за читање

Претседателот на Украина, Володимир Зеленски, повторно ги отфрли јавните предлози од Русија за преговори во Москваво одговор на прашања на новинарите, јавува Укринформ.

„Не можам да дојдам да преговарам со Путин во Москва, главниот град на земјата што е агресор во оваа војна. Подготвени сме да ги поддржиме предлозите од Соединетите Американски Држави за средба каде било: во Америка, Европа, неутрални земји – која било држава освен Руската Федерација и Белорусија“, рече Зеленски, објаснувајќи дека Белорусија била сојузник во офанзивата на Русија против Украина од самиот почеток во 2022 година.

На 28 јануари Јуриј Ушаков, советник на рускиот претседател Владимир Путин, изјави дека Москва е подготвена да разгледа директни разговори меѓу Путин и Зеленски и го покани украинскиот претседател во Москва, нудејќи гаранции за неговата безбедност, како и на целата украинска делегација.

Поврзани теми:

Москва|преговори|Владимир Путин|Володимир Зеленски

Повеќе на оваа тема:

Најнови вести од: Свет

Во Кина пробиена планина долга 22 километри и се изгради најдолгиот автопатски тунел!

Кина го пушти во употреба најдолгиот автопатски тунел во Азија, долг 22,13 километри, кој минува низ планините во покраината Гуиџоу. Тунелот „Тјаншан Шенгли“, со модерно осветлување и бетонска конструкција, веќе се смета за едно од најзначајните инженерски остварувања во регионот.

„Политико“: Пука обединетиот европски фронт против Трамп – се разоткриваат старите линии на внатрешниот расцеп во ЕУ

„Лидерите на ЕУ се подготвуваат за големи борби околу прашања, кои се движат од заеднички одбранбени проекти до економски реформи, но обидот за олабавување на зависноста на Европа од Америка на Доналд Трамп открива длабоки поделби меѓу 27-те земји на блокот. Обновената желба да се намали зависноста од Вашингтон ги исфрла на површина познатите несогласувања пред самитот на лидерите на ЕУ во четврток.“ – објави денес аналитичкиот портал за европски прашања „Политико“ од Брисел во анализата со наслов „Настојувањето на Европа да оди сама ги разоткрива старите линии на нејзиниот внатрешен расцеп и на грешките“.

Десет мртви и 27 повредени во оружен напад во средно училиште во Британска Колумбија, Канада

Десет лица се убиени, вклучувајќи го и напаѓачот, вчера, на 10 февруари, во оружен напад во средно училиште во градот Тамблер Риџ, во Британска Колумбија, во Канада. Во училиштето има 160 ученици од 7 до 12 одделение на возраст од 12-18 години. ‘Полицијата спречила оваа ужасна трагедија да стане уште полоша.’.  објавија властите. Би-Би-Си јави дека пукањето се случило околу 13:20 часот по локално време.

Хрватска: Калуѓерката лажела дека била напднта со нож од мигрант

Обвинителството бара казна од 10 месеци затвор за калуѓерката Т.З. (35), условна казна од три години, откако е обвинета за лажно пријавување кривично дело, бидејќи поднела кривична пријава против непознат напаѓач иако самата нанела повреди со нож

Урсула фон дер Лајен пред ЕП: Спремна сум да напредувам дури и без согласност на сите 27 членки

Претседателката на Европската комисија, Урсула фон дер Лајен, денеска во обраќањето пред Европскиот парламент во Стразбур ја истакна потребата од итно поедноставување и интеграција на пазарот на капитал во Европската Унија, со цел да се намали фрагментацијата и да се зајакне конкурентноста на европските компании во глобалниот контекст.
Сите вести од Свет

Најнови вести

To top