Претседателот на Соединетите Американски Држави, Доналд Трамп, денеска објави дека американските сили започнале голема воена операција против Иран. Во видео порака објавена на неговата платформа Truth Social, Трамп рече дека операцијата е веќе во тек и дека е координирана со Израел.
Главните точки од неговото обраќање:
- „Пред малку време започнавме воена операција против Иран.“
- „Иранскиот режим веќе 47 години зборува „Смрт за Америка“ и води бесконечна кампања на крвопролевање и масовни убиства насочени против Соединетите Држави.“
- „Можеме да изгубиме животи меѓу нашите војници, но тоа се случува во војна.“
- Три основни цели на операцијата:
- Целосно уништување на иранските ракети и на целата нивна ракетна индустрија.
- Уништување на иранската морнарица.
- Спречување Иран да дојде до нуклеарно оружје.
Трамп се обрати директно до иранскиот народ: „Часот на вашата слобода е блиску. Останете заштитени… Кога ќе завршиме, преземете ја вашата влада.“
До припадниците на Иранската револуционерна гарда: „Фрлете ги оружјето или ќе се соочите со сигурна смрт. Ако се предадете, ќе бидете третирани фер и ќе добиете целосна имунитет. Во спротивно – сигурна смрт.“
Ова е најголемата директна американска воена акција против Иран во историјата. Техеран веќе е под удари, воздушниот простор е затворен и на двете страни, Израел прогласи вонредна состојба, а Иран ветува жестока одмазда. Светот е на работ на многу поголем конфликт.
🇺🇸🇮🇷 TRUMP’S FULL WAR ADRESS:
“Short time ago we began the military operation against Iran.
…
for 47 years the Iranian regime has chanted death to America and waged an unending campaign of bloodshed and mass murder targeting the United States
…
We may lose lives among… https://t.co/ValuSVyya9 pic.twitter.com/uvBzaHbiTH— Lord Bebo (@MyLordBebo) February 28, 2026
Поврзани вести
Во Израел се активираа сирените за воздушен напад, иранските телевизии повикуваат на џихад (ВИДЕО)