„Претседателот на Алијансата за Албанците Арбен Таравари најави дека во наредните денови ќе биде претставена сеопфатна платформа за иднината на Албанците во С.Македонија. Тој нагласи дека ова не е партиска иницијатива, туку покана за национално единство, упатена до сите Албанци кои се чувствуваат одговорни за политичката, економската и општествената иднина на албанскиот народ.“ – објави ТВ Шења.
Натамау телевизијата наведува: Таравари упати повик „за надминување на политичките поделби и здружување на силите за заедничка визија“, претставувајќи ги главните столбови на платформата, кои вклучуваат: „идентитет и традиција; заштита на јазикот, културата и националните вредности; економија за Албанците; олеснување за бизнисите, поддршка на земјоделството и приватната иницијатива; образование и млади; зголемување на квалитетот, создавање можности и формирање нова национална елита; семејни и социјални политики; поддршка за семејствата и слоевите, кои имаат потреба; здравство со олеснет пристап; реформи и конкретни инвестиции во албанските општини; регионален развој и дијаспора; политика за враќање и вклучување на иселеништвото во развојот; меѓународна соработка; одржливо партнерство со САД, ЕУ и стратегиските сојузници.“
„Ова не е платформа за лични цели, туку платформа за обединување“ – рече Таравари, поканувајќи ги сите Албанци „да станат активен дел од оваа иницијатива“, чија цел е „поправична, подостоинствена и побезбедна иднина за албанската заедница во земјата“. – објави ТВ Шења.