Македонија

Пајазити: Има десет причини зошто треба Македонците да го учат албанскиот јазик, а не да го мразат! – Овој скандалозен пристап ги направи посиромашни!

„Повеќето Македонци живеат со Албанци со години и векови и не сакаат да го учат нивниот јазик. Не само што не го учат, туку и отворено го мразат и му се спротивставуваат отворено. Постојат десет причини зошто треба да го учат Македонците албанскиот јазик.“ – тврди Мухамер Пајазити од Куманово, професор по евроинтеграции во државниот Универзитет во Тетово, во својата колумна, која ја објави информативната агенција на албански јазик Илирија – ИНА од Скопје.  

2 минути за читање

Натаму во колумната со наслов „Десет причини зошто треба Македонците да го учат албанскиот јазик, а не да го мразат“ Пајазити пишува: Во последните децении ова се докажа со многу полициски акции диригирани од државните институции. Насилното затворање на албанските средни училишта во текот на 80-тите години од минатиот век, забраната за албански имиња, одбивањето да се отвори првиот универзитет на албански јазик во Македонија, именувањето на улиците, плоштадите, знаците, комуникациите само на македонски јазик, отсуството на албанскиот јазик во највисокиот правен акт – уставот… и тн.

Сите овие брутални активности им наштетија на Македонците, бидејќи албанскиот јазик не може да исчезне: тој ги преживеал многуте бури и најмоќните империи 6 илјади години по ред. Овие методи, оваа негативна енергија и овој скандалозен пристап ги направија посиромашни Македонците и нивните соседи околу. Ако се оддалечат Македонците од овој начин на размислување, ќе имаат многу придобивки. Еве само неколку факти зошто  треба да се учи и да се официјализира албанскиот јазик на целата територијата на  низ целата земја.

Македонците треба да учат албански затоа што: албанскиот јазик е еден од најстарите јазици во индоевропското јазично семејство; можат слободно да комуницираат со своите сограѓани-Албанци и да ги отстранат сите бесмислени предрасуди и стереотипи; јазичната разновидност е богатство на секоја земја; можат да имаат пристап до пазарот на трудот во албанските компании во Македонија, Косово, Албанија, Црна Гора и Прешевската долина; можат полесно да основаат компании, насекаде на албанските територии во регионот.

Македонците треба да учат албански и затоа што: младите истражувачи можат да ја проучуваат и да ја користат албанската литература; можат да ги олеснат и да ги направат попријатни патувањата и туризмот; ќе бидат со поотворен ум; ќе бидат потолерантни; ќе бидат посреќни. – тврди во својата колумна професорот Мухамер Пајазити.

Поврзани теми:

актуелно|македонци|колумна|професор Мухамер Пајазити|„десет причини да се учи албанскиот јазик“

Повеќе на оваа тема:

Најнови вести од: Македонија

Општините во фокус: Перински повика на партнерска соработка преку Ресурсниот центар

Иако локалната власт е самостојна и има сопствени изворни надлежности и одговорности, преку партнерска соработка и взаемна поддршка можеме да постигнеме многу повеќе. Затоа градиме концепт за синергија на сите расположливи ресурси во државата кои ќе бидат ставени во функција на општините, истакна министерот Перински.

ИНА: Ако продолжи одбивањето на сосопственоста на Албанците врз државата, тие ќе се радикализираат, ќе бараат целосна автономија и ќе се исцртаат границите!

„Ако македонската политичка елита продолжи да го игнорира албанскиот јазик и да отфрла дека и Албанците се сосопственици на оваа држава, тогаш таквото одбивање неодбежно ќе доведе нѐ до поделба, до радикализација на албанските барања и до нивно барање за целосна автономија со исцртани граници.“ – наведува информативната агенција на албански јазик „Илирија-ИНА“ во својот уреднички коментар со наслов „Отфрлањето на албанскиот јазик од страна на Македонците: Тивкото самоубиство на државата, која одбива сосопственост“.

Невидена трагедија: Мајка и дете денес околу 14 часот се фрлиле од зграда кај „Алумина“ во Скопје!

Страотна трагедија се случи денес попладнево: мајка на возраст од околу 45 години и дете на возраст од околу 10 години се фрлиле од зграда кај „Алумина“ во Скопје и потоа починале на самото место. Идентитетот на жртвите засега не е познат, а увидни екипи на полицијата и обвинителството се на местото на настанот.

Се проширува истрагата за убиствата, за кои се сомничи Т.Б. дека ги извршил како можен сериски убиец – Му се заканува казна доживотен затвор

„Се проширува за уште едно убиство истрагата против овчарот Т.Б. од село Малотино, општина Старо Нагоричане, осомничен за убиство на седумдесет и осумгодишна жителка на село Челопек се проширува за уште едно убиство. Ќе се ископува телото на друга жена.“ – изјави обвинителот Љубомир Лапе.

Транспаренти и графити низ Чаир заради „политичко мобилизирање“: Време е да ги направиме Албанците повторно господар на куќата!

„Денес во раните утрински часови, на неколку улици во општина Чаир во Скопје се појавија графити и пароли со политичка содржина. На натписите пишуваше: ‘Време е да ги направиме Албанците повторно господар на куќата!“ – оваа вест ја објави денес весникот на албански јазик „Лајм“ од Скопје.

Мицкоски: Минималната плата се зголемува, повисоки примања од април

Откако сме како Влада избрани до сега, ги имаме регулирано односите со нашите колеги во најголем дел. Кога ќе кажам во најголем дел, тоа е 95 па и повеќе проценти, преку колективни договори кои што имаат краен рок на реализирање до 2028 година, изјави претседателот на Владата на Република Македонија Христијан Мицкоски на денешната седница на Економско-социјалниот совет.
Сите вести од Македонија

Најнови вести

To top