Пратеничката група на ВРЕДИ имаше средба во Собранието со студенти -Албанци кои бараат одржување на испитот правосуденство на албански јазик.
Разговорите се фокусираа на важноста од остварување на ова право и потребата од целосна имплементација на Уставот и законите кои се во сила.
Беким Ќоку, шеф на пратеничката група на ВРЕДИ, изјави дека партијата што ја застапува несомнено е на страната на студентите и поддржува изнаоѓање фер и стабилно решение, согласно уставните права.
Тој додаде дека ВРЕДИ останува посветена преку дијалог и институционална посветеност на решавање на прашања кои влијаат на интересот на студентите и почитување на принципите на еднаквост и правда.
Сепак, Ќоку нагласи дека ВРЕДИ, кој во јуни завршува половина од мандатот во владата, не може со еден потег на моливот да ги реши проблемите натрупани во текот на 22 години власт. Партијата до сега постапуваше прагматично за решавање на проблемите и не се занимаваше со празни ветувања или со популизам.
Тој го критикуваше и недостатокот на посветеност на албанските министри за правда во изминатите години, истакнувајќи дека доколку сериозно се третираа прашањата од интерес за Албанците, денес немаше да има такви проблеми.