Тажна вест од светската филмска сцрна. На 19.03.2026 година, ненадејно почина Чак Норис на 86-годишна возраст. Американскиот актер беше најпознат по својата улога во „Тексашки ренџери“, а беше постојано инспирација за вицеви и шеги за неговата боречка моќ, заради боречките улоги кои ги имаше.
Во последните 24 часа, според извори на TMZ, тој бил ненадејно хоспитализиран од засега непозната причина, но наводно бил добар. Сепак, неговото семејство денес потврди дека Чак Норис починал вчера, a веста ја објавија на неговиот Инстаграм профил, со емотивен текст.
„Со тешко срце, нашето семејство ја споделува веста за ненадејното починување на нашиот сакан Чак Норис, вчера утрото.
Иако сакаме околностите за смртта да ги сочуваме во приватност, сепак знајте дека беше опкружен со семејството и во мир.
За светот, тој беше мастер во боречки вештини, актер и симбол за сила. За нас, беше посветен сопруг, сакан татко и дедо, неверојатен брат и срцето на нашето семејство.
Го живееше својот живот со вера, цел и посветеност на луѓето кои ги сакаше. Преку својата работа, дисциплина и љубезност, инспирираше милиони низ светот и остави траен печат во многу животи
Иако нашите срца се скршени, длабоко сме благодарни за животот што го живееше и за незаборавните моменти кои ги делевме со него. Љубовта и поддршката кои ги добиваше од фановите низ светот му значеа многу, а нашето семејство е вистински благодарно за тоа. За него, не бевте само фанови, бевте негови пријатели.
Знаеме дека многу од вас слушнаа за неговата хоспитализација и благодарни сме за вашите молитви и поддршка кои ги праќавте.
Додека жалиме за загубата, љубезно ве замолуваме за приватност во овие времиња.
Ви благодариме што го сакавте со нас.
Со љубов,
Норис семејството“.
Во текот на животот беше познат по својата исклучителна виталност, а до последните години одржуваше завидна физичка форма и општо здравје што можело да се припише на многу помлада личност. Неговата тајна лежела во дисциплинирана комбинација од исхрана базирана на намирници од цели зрна и редовно вежбање што вклучувале тренинг за сила и кардиовежби, пишува НАД.
Норис следел балансирана исхрана богата со интегрална храна и хранливи материи што ја поддржуваат долговечноста. Неговото мени се базирало на посни протеини како што се пилешко на скара, мисирка и риба, кои обезбедуваат есенцијални аминокиселини за одржување и обновување на мускулите.
Тој исто така консумирал многу зеленчук како брокула, спанаќ и кељ, богати со витамини, минерали и антиоксиданси. Тој пронашол извор на енергија во сложените јаглехидрати од интегрални житарки како што се кафеавиот ориз и киноата, а редовно вклучувал здрави масти како што се авокадо и јаткасти плодови во својата исхрана, како и многу свежо овошје, особено агруми и бобинки.
Избегнувал високо преработена храна полна со адитиви, конзерванси и нездрави масти, како и шеќерни пијалоци како газирани пијалоци и овошни сокови и пржена храна. Иако не го елиминирал целосно црвеното месо, го намалил неговиот внес на минимум, а исто така избегнувал и рафинирани јаглехидрати како што се белиот леб и слатките закуски.
Посветеноста на Норис кон физичката кондиција датира од 1958 година, кога почнал да тренира во боречката вештина танг су до на 18-годишна возраст. Преку тренинг, ја научил важноста на одржувањето на своето тело во врвна форма. Основата на неговиот пристап е зачувувањето и градењето на мускулната маса, бидејќи мускулот е метаболички активно ткиво кое согорува калории дури и за време на одмор.
За таа цел, тој вежбал вежби со сопствена тежина, како што се склекови, чучњеви и исчекорувања, и вежби со слободни тежини. Исто така, редовно правел кардио вежби, користел лента за трчање, пливал и вежбал брзо одење.
За да развие ментална бистрина, да го намали стресот и да одржи позитивен став, секојдневно практикувал медитација и техники на внимателност. Еден од неговите приоритети бил квалитетен и доволен сон, и иако бил посветен на својата кариера и обука, Норис инсистирал на рамнотежа помеѓу работата и приватниот живот и одвојувал време за семејството и одморот за да избегне исцрпеност.