Бизнис

(Видео): Снабдувањето со нафта во Македонија е стабилно, немаме негативни очекувања, вели премиерот

Снабдувањето со нафта и нафтени деривати во Македонија е стабилно и нема да има ограничување на точење, како што најавија некои од земјите во регионот. Премиерот Христијан Мицкоски вели дека потрошувачката на нафтени деривати е зголемена за повеќе од 10 проценти, со оглед на тоа што и граѓани на соседните држави полнат гориво на бензинските во пограничните места во Македонија, затоа што тука е поевтино, во некои случаи и за половина евро по литар.

2 минути за читање

Нема опасност од недостиг на гориво и струја во земјава, состојбата е стабилна, вели премиерот. Тој посочи дека државата располага со доволни количини на нафтени деривати и дека снабдувањето се одвива без проблеми, и покрај притисоците на глобалниот пазар. Премиерот најави, ако треба, се разгледува можноста за повлекување мазут од државните резерви, со цел да се одржи стабилноста на енергетскиот систем и да се спречи дополнителен ценовен притисок. Дополнително, попустот за дизел гориво се зголемува на 3 денари до 6-ти април.

  • „Но, и покрај тоа, стабилното снабдување за граѓаните и стопанството останува наш приоритет и во овој момент тука немаме никакви негативни очекувања, туку напротив, останува стабилно, да обезбедиме доволни количини и за нашите граѓани, но истовремено, доколку граѓаните од соседните држави ценат дека тоа ќе придонесе за подобрување на нивниот животен стандард, ние како држава стоиме на располагање“, рече Мицкоски.

Опозијата бара да се прифатат нивните предлози, оти растот на цените на енергенсите и горивата директно довеле до поскапа храна. Промена на правилникот за утврдување на цените, како и воведување на пресметка на цените најмлку двапати неделно, побараа од ДУИ.

Од Владата рекоа дека странските државјани точат гориво кај нас бидејќи цените се и до половина евро поевтини отколку во нивните земји. Конзумацијата е зголемена за 10%. Премиерот рече дека продуктоводот до Грција е во целосна функција и снабдувањето не е загрозено. Владата мора будно да ја следи состојбата на Блискиот Исток, оти ценовните осцилации се непредвидливи.

 

Поврзани теми:

Мицкоски|цени|Блиски исток|нафта|горива|гориво|шок|топ|влада

Повеќе на оваа тема:

Најнови вести од: Бизнис

Инстант-плаќањата ќе овозможат трансфери за неколку секунди, 24 часа во денот, вели Славески

Гувернерот посочи дека оваа иницијатива има и европско значење. Северна Македонија е меѓу земјите од Западен Балкан на коишто им е понудено, уште пред членството во Европската Унија, да се приклучат кон системот за инстант-плаќања на Европската централна банка.

(Видео): Монетарната поставеност останува соодветна, девизните резерви над 5 милијарди евра, рече Гувернерот Славески

Народната банка ја следи состојбата и дека доколку е неопходно, може да реагира со инструментите што ѝ стојат на располагање. Покрај основната каматна стапка, меѓу нив се и мерките на макропрудентната политика, насочени кон одржување на стабилноста на банкарскиот сектор и соодветно управување со задолженоста на приватниот сектор.

(Фото): Челични конструкции колку 11 катници се спуштаат да се стабилизира земјиштето и изгради најтешкиот дел од автопатот Охрид-Кичево, кажа Николоски

Со околу 250 бетонски столбови/колови ќе се стабилизира земјиштето на најтешкиот дел од автопатската делница Кичево-Охрид. Во пределот кај Ботун, земјата е црна-графитна и важи за најнестабилна земја, а дополнително има и многу вода. Токму затоа стабилизација на косините кај Ботун ќе се врши со градежна техника која ја првпат се користи не само во Македонија, туку и на Балканот.

Ефикасната даночна политика – клучна за пад на неформалната економија и унапредување на даночната правичност

Учеството на УЈП на конференцијата претставуваше значаен придонес кон стручната и академската дискусија за унапредување на даночниот систем, намалување на неформалната економија и создавање услови за поголема даночна правичност и фер конкуренција.

Николоски: Потребни се фер услови за македонските компании и долгорочни визи за превозниците

Вицепремиерот Николоски посочи дека покрај инвестициите во патната и железничката инфраструктура, енергетиката и водоснабдувањето, од суштинско значење е да се создадат услови во кои македонските компании ќе можат да се натпреваруваат под еднакви и фер правила.

Народна банка ја задржа основната каматна стапка на 4,25%, неизвесност и натаму има

Извршниот одбор на Народната банка на денешната редовна седница одлучи да ја задржи основната каматна стапка на нивото од 4,25 отсто. Одлуката се заснова врз најновите макроекономски показатели и очекувања, како и врз оцените за ризиците од домашното и надворешното окружување.
Сите вести од Бизнис

Најнови вести

To top