„Претседателот на Албанија Бајрам Бегај, придружуван од својата сопруга Аманда Бегај, денес во Охрид имаше работна средба со претседателката на С.Македонија Гордана Силјановска. Покрај другото, Бегај ја нагласи важноста на албанскиот чинител во С.Македонија како мост за поврзување, важен и гаранција за континуиран напредок на меѓусебните односи.“ – објави информативниот портал „Панорама“ од Тирана, Албанија.
Порталот ја пренесува целосната објава на албанскиот претседател Бегај на општествената мрежа: „Разговаравме за заемна, регионална соработка и за европската интеграција. Албанија и С.Македонија споделуваат волја да соработуваат на проекти од вредност за нашите граѓани.“
„Албанскиот фактор во С.Македонија е мост за поврзување, тој е важен и претставува гаранција за постојан напредок на нашите односи. Развојот на заеднички проекти не само на економски и инфраструктурни, туку и културни и социјални проекти, е остварлив и добредојден. Со заеднички сили кон напредок!“