Македонскиот премиер Христијан Мицкоски оствари средба со Метју Витакер, постојан претставник (амбасадор) на САД во НАТО, на која уште еднаш беа нагласени сојузништвото и соработката меѓу двете земји.
„На средбата разговаравме за зајакнување на соработката во рамки на Алијансата, актуелните безбедносни предизвици и заедничките приоритети во насока на унапредување на регионалната и глобалната стабилност. Ја истакнавме важноста од континуирана координација, партнерство и заедничко делување во одговор на современите безбедносни закани.
Изразив благодарност за силната и континуирана поддршка од страна на Соединетите Американски Држави и ја потврдив нашата посветеност кон вредностите и обврските како членка на НАТО“, изјави Мицкоски.