Македонија

(Фото): Многу новини за плаќањето на патарините, поврзана ќе е и банкарската сметка

Директорот на ЈП Државни патишта, Коце Трајановски вели дека се размислува и за воведување на моделот на наплата на патарините како во Србија односно затворен систем за наплата за поминати километри. За таа цел, веќе се работи на студија да се воведе ваков систем на наплата на Коридорот 8.

М-таговите за наплата на патарините отсега ќе бидат достапни и преку двата најголеми мобилни оператори во земјава – А1 Македонија и Македонски телеком. Ќе може да се купат на 24 рати за месечен износ од 49 денари, а наплатата на патарините ќе се врши преку банкарската сметка на корисникот или преку сметката за мобилни услуги.

Со регистрација на веб страницата на мобилниот оператор, корисникот ќе може да одбере дали М-тагот да биде врзан со неговата кредитна или дебитна картичка и со секое поминување на патарина ќе биде наплатена сумата или доколку сака ќе има опција наплатата за минување на патарина да биде на нивната телекомуникациска сметка. Мобилните оператори најавуваат промоции за своите корисници, а од Јавното претпријатие за државни патишта очекуваат дека на ваков начин М-таговите ќе станат подостапни за граѓаните.

  • Досега, М -таговите можеше да се купат во ЈПДП или на наплатата станица Петровец. На овој начин, ќе ги доближиме до граѓаните и ќе бидат понудени на кориснициите на двата најголеми мобилни оператори. Ако ја гледаме сегашната состојба, ние многу заостануваме во однос на нашите соседи во смисла на тоа дека имаме многу мал број на М- тагови, а многу плаќање во кеш. Проблемот се мултиплицира затоа што на патарините каде има М-таг поминуваат и со М-кард и доколку нема пари на картичката, се прави застој. Сето тоа го смалува протокот на возила на наплатните станици. Целта е да се зголеми протокот на возила на патарините а еден од главните начини е да имаме што поголема достапност на М- таговите. Тргнувајки од тој апсект, имавме јавен повик на кој се пријавија Македонски телеком и А1 Македонија кои имаат широка продажна мрежа низ Македонија и преку нивната мрежа ќе овозможат М-таговите да биде што подостапни – изјави денеска директорот на Јавното претпријатие за државни патишта Коце Трајановски.

Покрај ова, Трајановски вели дека се размислува и за воведување на моделот на наплата на патарините како во Србија односно затворен систем за наплата за поминати километри. За таа цел, веќе се работи на студија да се воведе ваков систем на наплата на Коридорот 8.

  • Промена на цената на патарината нема да има. Идејата е наплатата да биде на последната наплатна станица. На сите излези во меѓупросторот ќе има наплата. Проблемот кај нас е што има многу излези, но ќе го надминеме тоа – рече Трајановски.

Трајановски вели дека наплатата со М-тагови е зголемена и сега изнесува некаде околу 36% за разлика од претходно, но оти на овој начин М-таговите ќе бидат подостапни и протокот на патарините ќе биде полесен.

Најнови вести од: Македонија

Николоски од Виена: Реализираме инфраструктурни проекти вредни до 6 милијарди евра

Николоски нагласи и дека на Македонија ѝ се потребни меѓународни пријатели и силни партнерства, додавајќи дека преку ваквите форуми се создаваат можности за нови форми на институционална соработка со европските партнери.

(Фото): Ова е најтешкиот буџет, се враќаат две милијарди евра, ќе има и поголеми плати, најави министерката за финансии

Јавниот долг заклучно со третиот квартал годинава, според податоците од Министерството за финансии, изнесува 10 милијарди 930 милиони евра или 56,6 проценти од БДП. До крајот на годината, во согласност со сегашните проекции, би требало да изнесува 11.250 милиони евра или 58,2 проценти од БДП, а државниот долг да биде 51 процент.

Уставни измени во 2001: Треба да се спречи Македонија и целосно да ја изгуби својата „македонска душа“ како држава! (3)

Ноемвриските уставни амандмани од 2001 година „инсталираа“ „фабрички дефект“ во функционирањето на политичкиот систем преку воведувањето на „консензуалната“, „договорна демократија“, предвидена да ја практикуваат „етничките поглавари“ на Македонците и Албанците. Експертите посочуваат дека таквата „договорна демократија“ ја претвори Македонија во непрогласена „двонационална држава“ со „отворена перспектива“ наместо унитарна држава да стане и „двокантонална федерација“, или можеби и конфедерација. Сегашната претседателка на Република Македонија Гордана Силјановска-Давкова учествувајќи на една научна расправа во МАНУ пред 19 години, тогаш како професорка по уставно право и уставен систем, констатираше дека „во 2001 година врз македонската држава беше спроведен рамковен и уставен инженеринг во режија на меѓународната заедница“. Силјановска-Давкова уште тогаш имаше изнесено предупредување дека е реална заканата „Македонија да стане ‘држава без душа“.

Мицкоски за ужасниот напад врз девојката во Охрид: Жестоко го осудувам ова дивјаштво! – Сѐ ќе сториме сторителот да одговара пред правда!

Премиерот Христијан Мицкоски упати остра осуда за нападот врз младата девојка во Охрид, изразувајќи поддршка до нејзиното семејство, ветувајќи дека институциите ќе сторат сè сторителот да биде изведен пред лицето на правдата.

To top