Професорката Мирјана Најчевска со остра реакција по ослободителната пресуда за докторот анестезиолог Ваљтон Дервиши кој незаконски снимаше и емитуваше пациенти и колеги во живо на „Тик Ток“, и кој со нова судска пресуда и со пет пати помала казна, се враќа на работа во Клиничката тетовска болница.
Лекарската комора сега нема основ да му ја одземе лиценцата на 7 години како што одлучи претходно.
Пред три години анестезиологот Ваљтон Дервиши од тетовската болница беше уапсен со лисици, осуден од јавноста и претставен како редок пример дека институциите конечно реагираат кога лекар ќе ја злоупотреби довербата на пациентите.
Докторот не само што незаконски снимал пациентки и колешки на гинекологија, туку дел од снимките ги емитувал во живо на својот профил на „Тик-Tок“.
Тогашниот директор на болницата го пријавил случајот во полиција, по што Дервиши веднаш беше приведен и му беше одреден притвор.