Македонија

Македонскиот началник на Генералштабот на состанок на највисокото воено тело на НАТО

Од Армијата соопштија дека учеството на генерал-мајор Лафчиски на овој состанок претставува потврда за активниот придонес на македонската Армија и на Република Северна Македонија во колективната безбедност на Алијансата, регионалната стабилност и заедничките политики и активности на НАТО.

Началникот на Генералштабот на Армијата на Република Северна Македонија, генерал-мајор Сашко Лафчиски, утре ќе учествува на значаен состанок на Воениот комитет на НАТО во седиштето на Алијансата во Брисел.

Состанокот ќе се одржи во формат на началници на генералштабови на земјите членки на НАТО. Со него ќе претседава претседавачот на Воениот комитет на НАТО, адмирал Џузепе Каво Драгоне, а ќе учествуваат и врховниот командант на Сојузничките сили на НАТО за Европа (SACEUR), генерал Алексус Г. Гринкевич, како и врховниот командант за трансформација на НАТО (SACT), адмирал Пјер Вандие.

На состанокот, кој ќе се одвива во повеќе сесии, ќе се разговара за клучни теми од интерес за колективната безбедност: плановите на НАТО за зајакнување на одвраќањето и одбраната на Алијансата, тековните мисии, операции и активности, политичките приоритети, подготовките за претстојниот Самит на НАТО во Анкара, развојот на одбранбениот процес на планирање, интеграцијата на новите технологии и иновации во одбраната, поддршката за Украина, како и за унапредување на соработката меѓу НАТО и Европската Унија во области од заеднички интерес.

Од Армијата соопштија дека учеството на генерал-мајор Лафчиски на овој состанок претставува потврда за активниот придонес на македонската Армија и на Република Северна Македонија во колективната безбедност на Алијансата, регионалната стабилност и заедничките политики и активности на НАТО.

Најнови вести од: Македонија

Мицкоски во Берлин на собир на ,,Коалицијата на волните”

Премиерот Христијан Мицкоски, заедно со министерот за надворешни работи и надворешна трговија Тимчо Муцунски, денеска во Берлин учествуваше на состанокот на Коалицијата на волните посветен на актуелната состојба во Украина и напорите за постигнување мир

АмЧам: Реформите, иновациите и меѓународните стандарди предуслов за подобра здравствена заштита

Американската стопанска комора во Македонија е акредитиран член на Стопанската комора на Соединетите Американски Држави и на мрежата на Американски стопански комори во Европа, организација која претставува 49 Американски стопански комори од 47 земји во Европа и Евроазија.

Велјановски до опозицијата: Не може да се заборави како ја пљачкавте државата

На денешната собраниска седница на Комисијата за финансирање и буџет каде се дискутираше Предлог-Буџетот за 2027 година, пратеникот од ВМРО-ДПМНЕ, Александар Велјановски, кажа дека и покрај долговите наследени од претходната влада, предводена од СДС, кои се тежок товар за државата, оваа Влада предводена од ВМРО-ДПМНЕ ќе продолжи со силни инвестиции, со работа на фискална консолидација, но и со зајакнување на здравствената и социјалната заштита на граѓаните.

Ристески: Клучен приоритет на Владата е да ги задржи младите во Македонија

Законот за сезонски работници што е во сила од 1 јануари 2026 година, сѐ уште не ги дава очекуваните резултати, но ова не е закон направен за една година. Затоа организираме информативни средби и настани со помош на медиумите, стопанските комори, работодавачите и синдикатите – за да ги анимираме луѓето дека пензионери, студенти, оние кои сакаат дополнително да работат и сите категории невработени лица можат да го искористат, без притоа да го изгубат стекнатиот статус, да имаат комплетно пензиско и здравствено осигурување, фер ангажман, платен работен час колку што се ангажирани дополнително и со тоа да остварат дополнителни приходи – рече денеска заменик-министерот за економија и труд, Марјан Ристески.

Општина Охрид ги засилува активностите за затворање на депонијата „Буково“ и воспоставување нов систем за комуналниот отпад

Завршена е постапката за избор на проектант за изработка на техничката документација за затворање на нестандардната депонија „Буково“, а во тек се и активностите за изградба на претоварна станица кај Мауцкер и собирен центар во Охрид. Претоварните станици и Регионалниот центар за управување со отпад во Новаци се очекува да бидат функционални во 2030 година. Ова беше истакнато на денешната средба во Општина Охрид, посветена на новиот Регионален план за управување со отпад и воспоставувањето интегриран систем за Југозападниот и Пелагонискиот плански регион.

Зафировски за признанието на Михаилова за ДАНС: Ова е бугарска пародија, во која самата се излаја за поврзаноста со тајните служби

Срамота и давање автогол, бугарска пародија во која Ива Михаилова самата недоветно се излаја за улогата на тајните служби и бугарската ДАНС во целиот нејзин „случај“, посочи безбедносниот аналитичар Воислав Зафировски во „За македонските работи“ со Љупчо Цветановски. Недораснато дете кое избрза и искрено си кажа се што треба и не треба, класичен автогол во полза на Македонија за случај кој беше поддржан и од највисоките бугарски функционери.

Најнови вести

To top