Еден од идеолозите на СДСМ кој заедно со Љубомир Фрчкоски ги трасираат политиките на Бихаќка новинарот Бранко Тричковски реагира на ставот на професорката Мирјана Најчевска која го прогласи Бујар Османи и други финкционери од ДУИ за криминалци за прифаќање на протоколот со Софија.
Тричковски во коментар за ,,Вториот протокол и најчевскиот елемент” вели дека професорката мутирала во ,,вмронка без памет
“Сеʼ додека медиумите ги третираат криминалците како Бујар Османи како релевантни соговорници и се додека не се најде јавен обвинител кој ќе поведе постапка против него за злоупотреба на службената должност и велепредавство, и се додека не биде поништен Вториот протокол, Македонија нема шанси да се извлече од стапицата која и ја постави мафијата на Али Ахмети во соработка со бугарската власт“, изјави преходно Најчевска.
,,Ја читам Најчевска и си велам: Добро, бе, Тричко, нели ти се чини дека Македонија не е заглавена во стапицата што ја поставила Мафијата на Али Ахмети и Османи во соработка со бугарската власт, туку најчевската памет која од бледо модернистичка форма мутираше во класична вморонска беспаметност и општа состојба на духот”, смета Тричковски според кого фолозофот Фуко би го наградил Османи со орден заслуги за народ.
Тричковски е убеден дека Османи и Заев направиле добро дело затоа што се обиделе да ја поместат Македонија од фиксната точка со познати координати.
,,Вториот протокол бара да ги ревидираме пуфките за таканаречените историски личности, настани и организации што ги имаме собрано од улиците, кафеаните, театрите и академиите по Софија и да кажеме дека тие се бугарски фигури кои ние Македонците ги третираме како фигури кои и претходат на националната конституција на Македонците и и имаат придонес во тој процес.
Што е тука фактички спорно и идејно и политички грешно?!”, прашува идеологот на СДСМ.
Според него освен тие разбирливи барања има и еден кчучен момент за посебноста на македонската нација:
“Република С. Македонија ќе преземе мерки за да обезбеди ефективен пристап до еднакви права, заштита од дискриминација и заштита на културата и идентитетот на бугарската заедница во Република Северна Македонија..”
Значи “на бугарската заедница”, а на друго место стои “дел од бугарскиот народ” за тие што треба да ги внесеме во Уставот.
Тоа е.
Не е идеално
од аспект на македонската комоција наследена од Југославија но борбата за афирмација и просперитет бара тотално нов пристап”, пишува Тричковски навредувајќи ја Најчевска.