Омразата доминира во македонскиот онлајн политички простор, покажува анализата на проектот ENCODE.
Од анализираните 120.000 објави и коментари на платформата X од Северна Македонија, 98% од коментарите насочени кон политичарите содржат елементи на омраза, а 82% содржат јасни индикатори на гнев.
За разлика од очекувањата, омразата не се зголемува само во изборни периоди – таа е постојано присутна во текот на целата година.
Истражувањето, кое опфаќа вкупно 2,17 милиони објави од шест земји, покажа дека содржини кои предизвикуваат страв и анксиозност генерираат најмногу реакции, додека конструктивните и позитивни пораки се најстабилен двигател на досег.
Емоциите, а не рамнодушноста, ја бранат демократијата во Македонија
Граѓаните кои изразуваат гнев, анксиозност или надеж се значително помалку склони да ги „продадат“ своите политички права, заклучуваат истражувачите од проектот ENCODE.
Според бихејвиоралниот експеримент, политички рамнодушните испитаници се поотворени за парична компензација за промена на став или воздржување од гласање.
Ова ги наведува авторите да заклучат дека „рамнодушноста кон политиката е поголем демократски ризик од самата емоционалност“.
Истражувањето исто така покажува дека проблемот на современата политика не е премногу емоции, туку недостигот од емоционална разновидност во јавниот дискурс.
Наодите беа презентирани на настан во Скопје од страна на Институтот за демократија „Социетас Цивилис“ во рамки на двогодишниот европски проект ENCODE.
Фото: Институт за демократија
Поврзана вест
Процентот на Македонци кои не ја продаваат душата за пари ист со противниците на промена на уставот за влез на Бугарите
Македонците не си ја продаваат душата за пари, зад нас останаа Италијани, Австријци, Данци…