Рускиот претседател Владимир Путин е подготвен да разговара за мирно решавање на конфликтот во Украина, но главната задача на Москва е да ги постигне своите цели, изјави портпаролот на Кремљ, Дмитриј Песков, цитиран од Ројтерс.
Песков рече дека светот сега е навикнат на понекогаш „острата“ реторика на американскиот претседател Доналд Трамп, но истакна дека Трамп, исто така, во коментарите за Русија нагласил дека ќе продолжи да бара мировен договор.
Во понеделникот, Трамп објави построг став кон Русија, ветувајќи нов бран воена помош, прекин на огнот или да се соочи со дополнителни санкции.
„Претседателот Путин постојано зборува за својата желба што поскоро да го доведе украинското решение до мирен крај. Ова е долг процес, бара напор и не е лесно“, рече Песков за државната телевизија.