Македонија

Колегите на Татјана Димитровска од ДКСК утре ќе се оградат од нејзините постапки

Антикорупциска ќе продолжи да работи и да ги извршува должностите

3 минути за читање

Антикорупциска ќе продолжи да работи и да ги извршува должностите-ова е нивниот став за дел од медиумите по поднесеното обвинение против актуелната претседателка на ДКСК, Татјана Димитровска.

Претседателката Димитровска и денеска недостапна за медиумите, а од ДКСК ни кажаа дека со официјален став ќе излезат утре, бидејќи денеска е недела. На Димитровска, на товар ѝ се ставаат две кривични дела, оддавање службена тајна во врска со предметот „Адитив“, праќала документи од предмет на интерес на еден од сега обвинетите во „Адитив“. Како и за тоа дека првата антикорупционерка се здобила со безбедносен сертификат за пристап до класифицирани информации откако ревизор во Државниот завод за ревизија и го положил испитот наместо таа лично. Претходно за „360“ од Антикорупциска одговорија.

ДКСК

„Државната комисија продолжува да работи редовно и да ги извршува своите надлежности пропишани со Законот за спречување на корупцијата и судирот на интереси, а нејзиното функционирање е од исклучителна важност за општеството. Одговорноста е индивидуална, поради што Комисијата поседува кредибилитет и продолжува со своето работење.“

Поранешната претседателка на ДКСК, Билјана Ивановска со став дека актуелната претседателка треба да си поднесе оставка. Истото требало да го стори од етички причини уште на почетокот кога беше осомничена.

Билјана Ивановска-поранешна претседателка на ДКСК

„Стојам на истото, дека треба да си поднесе оставка за да не и штети повеќе на институцијата. Ако таа неетички постапува, тогаш крајно време е Собранието да си ги преземе работите во свои раце, бидејќи има и обврска и законска должност да го направи тоа.“

Политичките партии со свои ставови. Претходно, од ДУИ кажаа дека се во координација, за иницијатива размислува и Левица. Од ВМРО-ДПМНЕ велат дека законите важат за сите, а од опозициската СДСМ велат ќе разговараат и со пратениците и ќе излезат со став.

Миле Лефков-ВМРО

„Постојат неколку опции. Се разгледуваат сите опции во моментот и она што е важно да се напомене и јавноста да знае е дека законите важат за сите и одговорност ќе има.“

Каја Шукова-СДСМ

„И за тоа прашање, како и за сите прашања се дискутира во партијата, се носи став кој се одобрува на извршниот одбор на партијата и потоа ќе ја информираме јавноста, дали нашата пратеничка група ќе преземе било какви чекори во однос на тоа прашање.“

Судењето за случајот „Адитив” пак веќе започна и обвинети се 31 физичко лице и пет правни лица, меѓу кои и првообвинетиот Васко Ковачевски кој е во бегство, како и поранешените директори на ЕСМ. Обвинетите се товарат за перење пари, злоупотреба на службена должност и злоупотреба на постапката за јавен повик. Се правеле манипулации околу постапките за набавка на адитив за јаглен за потребите на АД ЕСМ – Подружница РЕК Битола и подружница РЕК Осломеј. Според обвинителството, парите од зделките ги вратиле во оптек и ги прикривале преку трансакции и подигнување готовина.

Поврзани теми:

ДКСК

Повеќе на оваа тема:

Најнови вести од: Македонија

Едно избирачко место воопшто не е отворено, во останатите гласањето се одвива непречено

До 9:00 часот утрово излезеноста за повторните локални избори во општина Врапчиште е еден процен или гласале 272 лица, во општина Гостивар 0,93 проценти или 651 гласач, во Маврово – Ростуше 2,89 отсто или 306 лица, додека во општина Центар Жупа 0,75 проценти или гласале 57 избирачи, соопшти Државната изборна комисија (ДИК).

Утринава на Попова Шапка најстудено, минус 8 степени, но и најмногу снег, 31 сантиметар

Времето денеска ќе биде променливо облачно и студено, претпладне со повремени локални врнежи од снег, попладне врнежите ќе престанат. Ќе дува умерен, а долж Повардарието засилен ветер од северен правец. Максималната температура ќе биде во интервал од -1 до 5 степени. Во Скопје, променливо облачно и студено. Претпладне со повремен слаб снег. Ќе дува умерен, во делови од котлината повремено засилен ветер од северен правец. Максималната температура ќе достигне до 3 степени.

Нобеловиот институт ja отфрли замислата на Мачадо да му ја „отстапи“ на Трамп наградата за мир

Нобеловиот институт објави во саботата дека Нобеловата награда за мир не може да се пренесе на друга личност, да се подели или да се одземе, откако лидерката на венецуелската опозиција Марија Корина Мачадо, изјави дека може да му ја отстапи наградата за 2025 година на американскиот претседател Доналд Трамп.

За Беџети, „кандидат за нобеловец за економија“, „легитимно е РСМ да се федерализира, а да се смени антиалбанскиот устав“!

„Барањето за федерализација на Македонија е легитимно, но тоа беше поништено уште во 2001 година. Албанската политика сега нема моќ ниту да го отстрани терминот ‘20 проценти’ во антиалбанскиот устав.“ – наведува д-р Неџат Беџети, професор по економија во државниот Универзитет во Тетово, кој инаку беше предложен од група од негови колеги-економисти во декември 2023 година како „кандидат за добивање Нобелова награда за економија“, со образложение дека „развил ‘Теорија на економскиот развој заснована врз демографското концентрирање“. Кандидатурата на Беџети била пријавена во Комитетот за Нобеловата награда, но друг ја имаше добиено.

Денес повторни избори за градоначалник во четири општини

Во општините Гостивар, Маврово – Ростуше, Врапчиште и Центар Жупа денеска се одржуваат повторени избори за градоначалник, откако на првиот круг на локалните избори на 19 октомври минатата година не беше постигната законската излезност од најмалку една третина (33,33 проценти) од запишаните гласачи, што е услов изборите да се сметаат за успешни.

Македонија воведува најстроги забрани против пушење, казни за граѓаните и до 300 евра

Државата подготвува целосно нов и значително построг Закон за заштита од пушење, со кој драстично се заоструваат правилата за употреба, продажба, рекламирање и промоција на тутунските и никотинските производи.
Сите вести од Македонија

Најнови вести

To top