Македонија

Генералниот секретар Адем Чучуљ „прв пик“ за нов претседател на ДКСК

Првиот оперативец на Антикорупциската комисија доби 96,50 бода од Комисијата за оценување на кандидатите

1 минута за читање

Адем Чучуљ, актуелен генерален секретар на Државната комисија за спречување на корупцијата (ДКСК), доби најмногу поени (96,50) од Комисијата за селекција на кандидати за претседател на ДКСК, формирана од собраниската Комисија за прашањата на изборите и именувањата,

Комисијата за селекција на кандидати оценува дека Чучуљ покажал искуство во спречување на корупцијата и судирот на интереси, како и јасна визија и конкретен план за работата и развојот на ДКСК.

Втор со 86,33 бодови е Бранко Смилевски од Скопје – дипломиран економист, магистер на науки за антикорупција, актуелен помошник на Главниот ревизор, а трет 81,83 бодови е проф. д-р Кимо Чавдар од Скопје, дипломиран правник со положен правосуден испит и доктор на политички науки.

Собраниската Комисија за прашања на изборите и именувањата треба да биде свикана утре и да го изгласа кандидатот за претседател на ДКСК по претходно направената селекција од Комисијата за селекција на кандидати.

За прв човек на ДКСК се пријавија 13 кандидати, еден од нив ги повлече документите, а за двајца се утврди дека не ги исполнуваат условите.

Поврзани теми:

Антикорупциска комисија|генерален секретар|Адем Чучуљ|претседател|ДКСК

Повеќе на оваа тема:

Најнови вести од: Македонија

Во клиниката за инфективни болести во Скопје двајца пациенти со западнонилска треска се во критична состојба, за тројца се чекаат резултати

Двајца пациенти на возраст од 76 и 66 години од седумте хоспитализирани на Клиниката за инфективни болести со западнонилска треска, се во критична состојба и се на механичка вентилација на одделот за интензивно лекување, изјави попладнево директорот на Клиниката, Фадил Цана, кој рече дека дополнително за уште тројца пациенти, кои се примени со дијагноза акутно заболување на мозокот и мозочната обвивка, во текот на денов се чекаат лабораториските резултати од Институтот за јавно здравје.

Митева: На 16 август во Струмица ќе настапат најголемите и највлијателни уметници во електронската музика Пол ван Дајк и Пол Оукенфолд!

Двајца од најголемите и највлијателни уметници во електронската музика Пол ван Дајк и Пол Оукенфолд ќе настапат во Струмица на 16 август во Градскиот парк, како дел од манифестацијата „35 години независност на Македонија“. Оваа манифестација започнува на 2 август – Илинден во Битола, а завршува на 8 септември во Скопје.

Турската кинематографија во фокусот на Beach Film Festival Ohrid

Учеството на Република Туркије како земја во фокус на деветтото издание на Beach Film Festival Ohrid уште еднаш ја потврди важноста на филмот како мост за културна соработка, меѓународно поврзување и промоција на културното и туристичкото богатство на Туркије.

За завршување и целосно опремување на новата Клиничка болница во Штип – 109 милиони евра

Завршувањето и целосното опремување на новата Клиничка болница во Штип, инвестиција проценета на околу 109 милиони евра, беше тема на денешната средба меѓу министерот за здравство Сашо Клековски, директорот на Фондот за здравствено осигурување Златко Перински, градоначалникот на Штип Иван Јорданов, раководството на Клиничката болница и претставници на Светската банка.

Меморандум за соработка меѓу „Македонски Шуми” и КПУ „Затвор” – Струмица: Осуденици ќе бидат ангажирани во шумарски активности

Јавното претпријатие „Македонски шуми“ и Казнено-поправната установа „Затвор“ – Струмица потпишаа меморандум за меѓусебна соработка, со кој ќе се зајакне координацијата меѓу двете институции преку ангажман на осудени лица во општокорисна работа. Претходно, од 16 до 22 јули осуденици од КПД „Идризово“, КПД Штип, КПД Прилеп, како и од КПУ Скопје, Куманово, Битола, Гевгелија, Струмица и Струга, учествуваа во седумдневна работна акција за одржување на хигиената на магистралните и регионалните патишта низ Македонија.

Мицкоски до Филипче: Кога бевте министер за здравство ви гореа луѓе во модуларни болници, а во Гостивар пиеја вода, опасна за здравјето, но не презедовте ништо!

Премиерот Христијан Мицкоски денеска, на собраниската седница, посветена на пратенички прашања, во одговор до лидерот на СДСМ Венко Филипче истакна дека во време кога тој бил министер за здравство имало извештаи за бактериолошки неисправна вода во неколку градови во 2019, но тој, како што рече, тогаш не презел ништо. Премиерот нагласи дека Обвинителството треба да се позанимава со овие случаи. 
Сите вести од Македонија

Најнови вести

To top