По објавувањето дека компанијата е избрана за изградба на преостанатиот дел од автопатот Скопјe-Блаце, партијата ВРЕДИ објави дека овој автопат станува реалност, критикувајќи ја претходната власт дека според нив тие не го правеле тоа 24 години, а дека токму ВРЕДИ ќе го реализираат за 24 месеци.
„24 години на граѓаните им беше ветуван овој автопат, но тоа остана само на хартија. Денес, со ВЛЕН во владата и со посветеноста на нашите претставници во државните институции, овој проект станува реалност. Ова не е само инвестиција во асфалт и бетон. Тоа е инвестиција во стратешката врска со Косово, во економскиот развој, во побрзиот проток на луѓе и стоки и во создавањето нови можности за бизнисите и граѓаните“, велат од ВРЕДИ,
Од друга страна, ДУИ ја обвинува ВРЕДИ дека овој проект е осмислен, финансиран и заштитен од владата предводена од ДУИ. Како што велат, две години по ред проектот бил блокиран и проследен со контрадикторни изјави, тврдења за промена на трасата, идеи за нејзино сведување на главен пат и обиди да се претстави како нов проект.
„Една од најважните одлуки беше изградбата на првите 2 километри од автопатот. Овој сегмент не беше реализиран случајно, туку како стратешка гаранција дека проектот подоцна не може да се промени во главен пат. Овие 2 километри практично го оневозможија отстапувањето од првичниот концепт. Владата на ДУИ ги спроведе и тендерските постапки, каде што аплицираа 11 компании, додека на владата наследничка ѝ остана само да го избере изведувачот и да ги продолжи работите“, велат од ДУИ.
Инаку, вчера, по средбата со директорот на Европската банка за обнова и развој, Фатих Туркменоглу, владините власти објавија дека работите на овој пат ќе започнат во јули.