Ќучук вели дека неговото обраќање „би имало сосема поинаков тек доколку не се случел инцидентот во Скопје“ и категорично го отфрли ставот дека станува збор за изолиран инцидент. „Ако ми кажете дека ова е уште еден криминален акт, сакам да ви одговорам на многу категоричен начин: не, не е. Ова е недозволиво посегнување врз имот на суверена држава – членка на Европската Унија“, истакна Ќучук пред европратениците.
Тој апелираше до Европскиот парламент да не го користи вообичаениот наратив дека „престапот некако ќе биде истражен“, барајќи наместо тоа „јасна и недвосмислена реакција“. Европратеникот се пожали и за „односот кон човековите права во земјата“, наведувајќи дека „прекршувањата во последно време се буткаат под тепих“. Според него, „говорот на омраза има деструктивна моќ“.„Говорот на омраза води кон уште поголема омраза и подлабоки поделби во општеството. Наместо да се градат мостови на соработка во Западен Балкан, се градат сè поголеми ѕидови. Овие тензии, според него, се закануваат да го вратат регионот таму каде што беше во деведесетите години.“ – рече бугарскиот европратеник во Европскиот парламент.
На крајот од своето излагање Ќучук се осврна на политиката на проширување на Европската Унија. Тој ги „поздрави напорите на Европската комисија да ја подигне оваа тема на повисоко ниво“ и ги „ охрабри државите од Западен Балкан да се доближат до ЕУ“. То вели дека „има јасни услови за тој процес“. „Пристапниот процес мора да се темели на јасно утврдените европски правила. Исполнување на преземените обврски: Државите кандидати мора да ги реализираат ветувањата и договорите. Во спротивно, ќе биде создаден погрешен политички наратив кој ќе има свое длабоко и негативно одразување.“ – тврдеше Ќучук.