Македонија

(Фото): Патниците кои летаат со авион повеќе нема да ги вадат лаптопите и течностите од багажот

Аеродромот во Скопје доби нови безбедносни скенери – патниците повеќе нема да мора да ги вадат електронските уреди од багажот

2 минути за читање

Аеродромот во Скопје пушти во употреба два нови безбедносни скенери со компјутерска томографија, во вредност од околу еден милион евра. Според генералниот директор на ТАВ, Неџат Курт, со оваа инвестиција скопскиот аеродром станува првиот на Балканот што располага со ваква технологија, со што значително се зголемува безбедноста на патниците и се забрзува процесот на контрола на багажот.

Тој додаде дека патниците при безбедносната контрола повеќе нема да имаат потреба да ги вадат лаптопите, таблетите и мобилните телефони од своите торби. Заменик-министерката за транспорт, Калтрина Зеколи-Шаќири, изјави дека соработката со ТАВ овозможила инвестиции во вредност од околу 50 милиони евра во голем број проекти. Таа ја нагласи важноста од континуираната модернизација, реконструкција и проширување на Охридскиот аеродром.

  • „Сакаме да го отстраниме стресот кај патниците. Пред сè, сакаме да се чувствуваат безбедно. Исто така, сакаме да го подобриме нивното искуство, така што безбедносната контрола ќе биде побрза. Повеќе нема да има потреба да ги вадите лаптопите од торбите – тие можат да останат внатре, а целиот процес ќе биде побрз и без стрес.“, рече Неџат Курт, генерален директор на ТАВ.

  • Првиот е целосно нов систем за видео надзор, кој значително ја зајакнува нашата способност за спречување, откривање и брзо реагирање на безбедносни инциденти, со цел максимална заштита на патниците, вработените и инфраструктурата. Вториот е современ систем за обука, тестирање и сертификација на безбедносниот персонал, кој обезбедува континуиран професионален развој преку реални симулации и современи методи на евалуација, целосно усогласени со највисоките меѓународни стандарди, рече генералниот директор на ТАВ Македонија.

Со овие инвестиции, ТАВ Македонија јасно ја потврдува својата стратешка определба – да создава модерен, безбеден и конкурентен аеродром кој ги исполнува и надминува европските стандарди.

  • „Оваа инвестиција е вредна околу еден милион евра и е едиствена во регионот, значи во Балканот. Со ТАВ Македонија имаме одлична соработка како Министерство. Досега имаме донација од околу 50 милиони евра и 97 проекти веќе се реализираат во целата држава“, изјави заменик-министерката за транспорт Калтрина Зеколи-Шаќири.

Компанијата ќе продолжи да инвестира во технологии, инфраструктура и услуги кои го унапредуваат квалитетот на патувањето и ја зацврстуваат позицијата на Меѓународниот Аеродром Скопје како современ регионален воздухопловен центар.

Поврзани теми:

ТАВ|компјутер|опрема|скенери|топ|актуелно|патници|аеродром Скопје

Повеќе на оваа тема:

Најнови вести од: Македонија

Туристички бум во Турција: Рекордни приходи од туризмот од 51,3 милијарди долари во првите девет месеци од годинава

Вкупниот број посетители во Турција во наведениот период достигнал 49,1 милион. Руската Федерација со 5,70 милиони посетители, Германија со 5,17 милиони и Обединетото Кралство со 3,20 милиони посетители останаа трите најголеми туристички пазари за земјата.

Ѓуров и Јотова бараат примена на „Францускиот предлог“, што е негирање на македонскиот јазик и Македонците, кои во 1890 бараа од Цариград негова употреба!

На 29 октомври во завршната дебата на Бугарската национална телевизија пред одржувањето на вториот круг на претседателските избори во Бугарија на 1 ноември 2026 година Андреј Ѓуров и Илијана Јотова, двата кандидата за претседател на Бугарија, го повторуваат барањето да се внесат Бугарите во уставот на Македонија. Едновремено тие бараат и „целосна примена“ на злогласниот „француски предлог“ и „Вториот протокол“, со кои во најдиректна смисла официјална Софија бара Македонија „да признае и да прифати“ дека „македонскиот народ и јазик имаат бугарски корени“. Јотова уште сево ова го нарекува „европска политика. И Ѓуров и Јотова се во жесток судир со реалноста и со историјата. На 30 октомври 1890 година Македонците од Охрид испраќаат официјална молба до Високата порта во Цариград. Во оваа молба, македонските првенци експлицитно бараат дозвола за основање македонски училишта во Охрид и околината, во кои наставата ќе се изведува на македонски јазик. Ова е еден од најважните документирани јавни прогласи од XIX век каде што јасно се дефинира засебноста и автентичноста на македонскиот јазик, независно од пропагандите на соседните држави.

(Фото+Видео): Нова авиолинија Скопје-Тиват, наскоро директно од Скопје до црногорското приморје

Станува збор за реализација на договореното при неговата претходна посета на Подгорица, нагласувајќи дека новото авиоповрзување ќе има значење за зголемување на размената меѓу двете држави.

Пријавете се на работилницата на „Реплек“ со Марко Пејчиновски: „РЕсет за внатрешна сила. РЕсет за добросостојба“

Овие иницијативи се надополнување на бројните активности што компанијата континуирано ги реализира за своите вработени во рамките на платформата РЕсет, со цел поттикнување здрави животни навики, личен развој и целокупна добросостојба.

Мицкоски: Очекувам победа на ВМРО ДПМНЕ во Брвеница! Да се гласа не за етнички поделби, туку за подобар живот во Македонија!

Денеска ќе имаме завршно обраќање пред жителите на Брвеница. ВМРО-ДПМНЕ во секоја кампања влегува со цел да победи, така и во оваа кампања во Брвеница, во вториот круг. Во првиот круг имавме најмногу гласови, речиси 3000, очекуваме тој број на гласови да го зголемиме. Очекувам победа на ВМРО-ДПМНЕ и Коалицијата – изјави денеска премиерот и лидер на владејачката македонска партија Христијан Мицкоски одговарајќи на новинарско прашање во однос на вториот круг за избор на градоначалник на општина Брвеница.

Тачи: Албанските партии треба да се договорат за документ за целосна политичка и територијална автономија на Албанците во Македонија!

Лидерот на ДПА, Мендух Тачи, меѓу другото, во емисијата „Дијалог“ на медиумската платформа на „Лајм“  зборуваше и за „потребата од постигнување договор меѓу албанските партии за одобрување на документот за целосна политичка и територијална автономија“.

Агатангел: ВМРО-ДПМНЕ ќе владее колку Тито, оваа Влада ја консолидира Македонија како држава и ги штити националните интереси!

Митрополитот Повардарски Агатангел изрази целосна поддршка за премиерот Христијан Мицкоски и актуелната Влада, оценувајќи дека државата е во сигурни раце, во интервју за телевизија „Алфа“, тој прогнозираше дека ВМРО-ДПМНЕ ќе остане на власт онолку долго колку што владеел Јосип Броз Тито.
Сите вести од Македонија

Најнови вести

To top